ຈີນ ປະຕິເສດ ຄໍາສເນີ ຢ້ຽມຢາມ ຕີເບດ ຂອງເຈົ້າໜ້າທີ່ ສະຫະປະຊາຊາດ

ທ່ານ Rupert Colville, ໂຄສົກ ຂອງຍານາງ Arbour ກ່າວຕໍ່ ສໍານັກງານຂ່າວ ເອແອັຟພີ ທີ່ນະຄອນ ເຈັນເນວາ ວ່າ: ຍານາງ ອາຣເບີ ໄດ້ຂໍຮ້ອງ ເມື່ອວັນທີ 27 ມີນາ, ແຕ່ທາງການຈີນ ໄດ້ໃຫ້ຄໍາຕອບ ໃນອາທິດນີ້ ວ່າ ການຢ້ຽມຢາມນັ້ນ ບໍ່ສາມາດ ເປັນໄປໄດ້ ໃນເວລານີ້.

ທ່ານ ກ່າວວ່າ ທາງການຈີນ ບໍ່ໄດ້ກີດກັ້ນ ການຢ້ຽມຢາມ ທີ່ເປັນໄປໄດ້ ໃນຄັ້ງຕໍ່ໄປ. ຜ່ານມາ, ຍານາງ ອາຣເບີ ໄດ້ຂໍຮ້ອງ ໃຫ້ປັກກິ່ງ ອະນຸຍາດ ໃຫ້ບັນດາ ຜູ້ເດີນຂະບວນ ປະທ້ວງ ໃຊ້ສິດ ຂອງຕົນ ໃນການສະແດງອອກ ຮວມທັງ ຄວາມຄິດເຫັນ ແລະ ການໂຮມຊຸມນຸມ ຢ່າງມີອິສຣະ, ແລະ ລະເວັ້ນ ການໃຊ້ກໍາລັງ ທຸກຢ່າງ, ພາຍຫລັງ ຄວາມຮຸນແຮງ ໄດ້ເກີດຂຶ້ນ ຢູ່ນະຄອນ ຣັດຊາ ເມື່ອກາງເດືອນ ມີນາ ຜ່ານມາ.