ແມ່ຍິງ-ເດັກນ້ອຍ 10/30/17

ການຕໍ່າຫູກ ແມ່ນອາຊີບນຶ່ງ ທີ່ມີສືບທອດກັນມາ ແຕ່ບູຮານນະການ ແລະການຕໍ່າຫູກນັ້ນ ກໍ່ມີຫຼາຍແບບ ແຕກຕ່າງກັນ ບໍ່ວ່າຈະເປັນ ການຕໍ່າສິ້ນໄໝ, ຕໍ່າສິ້ນຝ້າຍ ແລະການຕໍ່າຜ້າແພ ລວດຣາຍຕ່າງໆ ການຕໍ່າຫູກ ເປັນມໍຣະດົກ ທາງພູມປັນຍາ ແລະ ເປັນເອກກະຣັກ ຂອງແຕ່ລະຊົນເຜົ່າ. ກ່ອນຈະມາເປັນສິ້ນໄໝ ຜືນນຶ່ງໄດ້ ແມ່ນມີຫຼາຍຂັ້ນຕອນ ຕ້ອງໃຊ້ເທັກນິກ ໃນການຈົກລາຍ, ການຂີດລາຍ ຫຼືການ ເຮັດລວດລາຍ ເທິງຜືນສິ້ນ ໂດຍການໃຊ້ນິ້ວກ້ອຍ ເກາະເສັ້ນໄໝ ເພື່ອໃຫ້ລາຍນັ້ນ ສູງຂຶ້ນມາ ຈາກຜືນສິ້ນ ສ່ວນວ່າ ການຕໍ່າຫູກ ຈະມີ ຄວາມຍາກງ່າຍ ແນວໃດນັ້ນ ເຊີນທ່ານຮັບຟັງ ຈາກ ສາວວັນ ໄດ້ເລີຍ.