ປະຊຸມສາທາຣະນະສຸຂທີ່ ສິງກະໂປ

ດຣ ເອກສະຫວ່າງ ວົງວິຈັດ ຣັຖມົນຕຣີ ສາທາຣະນະສຸຂ ຈາກ ສປປລາວ ເປັນນຶ່ງ ໃນຈຳນວນ ຜູ້ທີ່ ຈະກ່າວ ຄຳປາສັຍ ໃນກອງ ປະຊຸມ ສຸດຍອດ ສາທາຣະນະສຸຂ ທີ່ຈະ ຈັດຂື້ນ ທີ່ ປະເທດ ສິງກະໂປ ຣະຫວ່າງ ວັນທີ 12 ຫາ 13 ເດືອນ ມິຖຸນາ ປີນີ້.

ຕົວແທນ ຈາກ ກະຊວງ ສາທາຣະນະສຸຂ ສປປລາວ ອີນໂດເນເຊັຽ ມາເລເຊັຽ ແລະ ອື່ນໆ ຈະພົບປະ ກັນ ເປັນເວລາ ສອງວັນ ໃນ ກອງ ປະຊຸມ ດັ່ງກ່າວ ເພື່ອ ປືກສາ ຫາລື ກ່ຽວກັບ ການ ບໍຣິການ ດ້ານ ສາທາຣະນະສຸຂ ຈາກ ຕົວແທນ ແລະ ນັກ ຊ່ຽວຊານ ດ້ານ ການແພດ ໃນ ເອເຊັຽ ແລະ ໃນໂລກ.

ການປຶກສາ ຫາລື ທີ່ ສຳຄັນ ໃນ ກອງປະຊຸມ ເທື່ອນີ້ ແມ່ນ ແນ່ໃສ່ ການ ປ່ຽນແປງ ທາງດ້ານ ສາທາຣະນະສຸຂ ໃນ ຂົງເຂດ ໂດຍສະ ເພາະ ສປປລາວ ແລະ ມາເລເຊັຍ ຊຶ່ງ ສປປລາວ ໄດ້ເລີ້ມ ບາດກ້າວ ອັນ ສຳຄັນ ໃນການ ພັທນາ ທາງດ້ານ ເສຖກີດ ຢ່າງ ໃຫຍ່ຫລວງ ໃນ ທົສວັດ ທີ່ ຜ່ານມາ ທັ້ງໆທີ່ ລາວ ຍັງເປັນ ປະເທດ ກໍາລັງ ພັທນາ ແລະ 25 ສ່ວນຮ້ອຍ ຂອງ ປະຊາກອນ ລາວ ມີລາຍໄດ້ ຕ່ຳກວ່າ ຂີດ ຄວາມ ທຸກຍາກ ຂອງ ສະຫະ ປະຊາຊາດ.

ໃນປີ 1992 ຣັຖບານ ລາວ ໄດ້ ອະນຸຍາດ ໃຫ້ ນັກລົງທຶນ ຕ່າງຊາດ ເປີດ ໂຮງ ພຍາບານ ເອກຊົນ ໃນລາວ ຊຶ່ງ ເຮັດໃຫ້ ມີ ໂຮງ ພຍາບານ ເອກຊົນ ເພີ້ມຂື້ນ ໃນລາວ ແຕ່ ປະຊາຊົນ ລາວ ສ່ວນໃຫຍ່ ຍັງຂາດ ການ ບໍຣິການ ດ້ານ ສາທາຣະນະສຸຂ ຂັ້ນພື້ນ ຖານ ຫລາຍຢູ່ ໃນທົ່ວ ປະເທດ.