ຄ່າຈອດຣົດຕອນບຸນຊ່ວງເຮືອ

ຊາວບ້ານຫລາຍຄົນພາກັນຈົ່ມວ່າ ພວກຕົນຖືກສໍ້ໂກງຄ່າຈອດຣົຖ ຢ່າງບໍ່ເປັນທັມໃນຊ່ວງບຸນຊ່ວງເຮືອ ປະຈຳປີທີ່ທ່າວັດຈັນ ນະຄອນຫລວງ ວຽງຈັນ. ທັ້ງໆທີ່ກ່ອນຫນ້ານີ້ທາງການລາວ ໄດ້ປະກາດຢ່າງເປັນ ທາງການ ແລ້ວວ່າ ການເກັບຄ່າຝາກຣົຖໃນຊ່ວງບຸນຊ່ວງເຮືອຈະເປັນໄປ ຕາມທີ່ທາງການປະກາດ ຖ້າຜູ້ໃດຝ່າຝຶນຈະຖືກປັບໃຫມ ເປັນເງີນເຖິງ 50 ລ້ານກີບ. ດັ່ງຊາວບ້ານຜູ້ມາທ່ຽວບຸນ ຄົນນື່ງເວົ້າວ່າ: ---ສຽງ---

ອິງຕາມການແຈ້ງການຂອງຣັຖບານ ສະບັບວັນທີ 13 ຕຸລາ ໄດ້ກຳນົດການຈອດຣົຖໃນຊ່ວງບຸນຊ່ວງເຮືອ ທີ່ທ່າວັດຈັນວ່າ ຣົຖຖີບຄັນລະ 2 ພັນກີິບ ຣົຖຈັກ 5 ພັນກີບ ຣົຖຈຳໂບ ຕຸກໆ 10 ພັນກີບ ຣົຖໃຫຍ່ 15 ພັນກີບ ຖ້າຜູ້ໄດ້ຮັບສໍາປະທານ ການຝາກຣົຖຫາກຝ່າຝືນ ຈະຖືກ ປັບໃຫມເຖິງ 50 ລ້ານກີບ.

ແຕ່ໃນສະພາບໂຕຈິງຍັງມີ ຜູ້ຮັບເຫມົາຈອດຣົຖຫລາຍລາຍ ຝ່າຝືນເກັບແພງເກີນໄປ ຊາວບ້ານຜູ້ທີ່ຖືກສໍ້ໂກງ ກໍເອົາຫລັກຖານມາໃຫ້ ເທົ່າ ເຖິງປັດຈຸບັນ ກໍບໍ່ມີຫຍັງເກີດຂື້ນ ແລະກໍບໍ່ເຫັນມີ ການປັບໃຫມ ໃສ່ໂທດຜູ້ທີ່ ຝ່າຝືນ ໃບແຈ້ງການສະບັບດັ່ງກ່າວ ແຕ່ຢ່າງໃດ.

ຫລາຍພາກສ່ວນຄິດວ່າ ອາຈມີການສົມຮູ້ຮ່ວມຄິດ ກັບເຈົ້າຫນ້າທີ່ກ່ຽວຂ້ອງ ໃນເຂດດັ່ງກ່າວກໍເປັນໄດ້ແຕ່ຂາດຂໍ້ມູນແລະຫລັກຖານ. ການ ສໍ້ໂກງໃນລາວ ບໍ່ວ່າຈາກພາກຣັຖ ຫລື ພາກເອກຊົນ ຍັງມີຢູ່ຖົມໄປ ຍາກທີ່ຈະແກ້ໄຂ.