ໄວ້ອາໄລ ບໍຣົມມາຈາຣຍ໌ ສ. ແສງສິຣິວັນ

ຣາຍການບັນເທີງ ປະຈຳສັປດານີ້, ຂ້າພະເຈົ້າ ພ້ອມດ້ວຍທີມງານ ຂໍແຈ້ງຂ່າວເສົ້າສ​ລົດໃຈທີ່ສຸດ ຂອງວົງການບັນເທີງລາວ ມາຍັງ ທ່ານຜູ້ຟັງທາງບ້ານ ແລະ ແຟນເພງລາວ ທຸກທົ່ວໜ້າ ໃນການຈາກໄປ ຢ່າງບໍ່ມີວັນກັບ ຂອງສິລປິນແຫ່ງຊາຕ ນັກປະພັນເອກ/ນັກຮ້ອງ ຂອງລາວ, ທ່ານບໍ​ຣົມ​ມາ​ຈາ​ຣ​ຍ໌ ສ. ແສງ​ສິ​ຣິ​ວັນ ຫລື ຈັນສົມ ແສງສິຣິວັນ, ທ່ານໄດ້ຈາກໄປ ໃນມື້ວັນເສົາ ທີ 18 ເດືອນກຸມພາ, ປີ 2023 ທີ່ເມືອງພອຣ໌ດແລນ, ຣັຖ ອໍຣິກອນ, ສະຫະຣັຖ ອາເມຣິກາ. ລວມ ອາຍຸໄດ້ 83 ປີ.

ພິທີທາງສາສນາ ຈະຈັດຂຶ້ນທີ່ ວັດພຸທະທັມມະຣາມ, ທີ່ຢູ່ 4350 N.E. 133rd Ave. OR 97230 ເຣິ່ມແຕ່ ເວລາ 8:00 ເຊົ້າ ຫາ 8:00 ໂມງແລງ ແລະ ພິທີ ຊາປະນະກິດສົບ ຈະຈັດຂຶ້ນ ໃນມື້ວັນເສົາ ວັນທີ 4 ເດືອນ 3 (ມີນາ) 2023 ເວລາ ບ່າຍ 1:00 ໂມງ ທີ່:

Finley Sunset Hills Mortuary

6801 SW Sunset HWY

Portland Oregon 97225