အင်းစိန်ထောင်တွင်းက နိုင်ငံရေး အကျဉ်းသားများ
ရန်ကုန်၊ အင်းစိန်ထောင်အတွင်းမှာ ဖမ်းဆီးခံ နိုင်ငံရေးအကျဉ်းသားတွေ နေထိုင်ရပုံကို ရေးဆွဲထားတဲ့ သရုပ်ဖော်ပုံကြမ်းတွေကို ရိုက်တာသတင်းဌာနက ဧပြီလ ၇ ရက် ဒီကနေ့ ဖော်ပြလိုက်ပါတယ်။
နေ့စဉ် ထောင်တွင်းလှုပ်ရှားမှုတွေကို သရုပ်ဖော်ပုံတွေမှာ မြင်တွေ့ရပြီး၊ အခန်းကျဉ်းလေးတစ်ခန်းထဲမှာ လူဒါဇင်နဲ့ချီ စုပြုံနေကြရတာ၊ ရေချိုးရဖို့ တန်းစီနေတာ၊ အပူဒဏ်ကို အန်တုပြီး ကြမ်းပြင်ပေါ်မှာ ကျဉ်းကျဉ်း ကျပ်ကျပ် အိပ်နေရပုံတွေကို မြင်တွေ့ရပါတယ်။
ဒီပုံတွေမှာ တွေ့ရတာအပြင် ပြန်လွတ်လာတဲ့ နိုင်ငံရေးအကျဉ်းသားရှစ်ယောက်ကို ရိုက်တာသတင်းဌာနက မေးမြန်းရာမှာလည်း ကျောတစ်ခင်းစာနေရာရဖို့ ငွေပေးနေရတဲ့အပြင် ကျန်းမာရေးစောင့်ရှောက်မှုမရသလို ရောဂါတွေလည်း ထူပြောနေတယ်လို့ ပြောကြပါတယ်။
ဒီသရုပ်ဖော်ပုံတွေကို ပြီးခဲ့တဲ့ ၂ဝ၂၁ ခုနှစ် ဧပြီလနဲ့ ဇူလိုင်လအတွင်းမှာ ဖမ်းဆီးခံနိုင်ငံရေး အကျဉ်းသားတစ်ယောက်က ဆွဲထားတာလို့ ဆိုပါတယ်။
ဒီပုံတွေကို ရေးဆွဲခဲ့သူ ပြန်လွတ်လာပြီဖြစ်ပေမယ့် ထပ်မံ အဖမ်းခံရမှာ စိုးတာကြောင့် ဘယ်သူဘယ်ဝါဆိုတာကို ထုတ်ပြောဖို့ ငြင်းဆန်တယ်လို့ သတင်းမှာ ရေးထားပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော