ဂူတာပြင်သတ်ဖြတ်မှု တကယ်အရေးယူတော့မလား

ရခိုင်ပြည်နယ် ဘူးသီးတောင်မြို့ ဂူတာပြင်ရွာမှာ ဖြစ်ပွားခဲ့တယ်ဆိုတဲ့ လူအစုလိုက် အပြုံလိုက်သတ်ဖြတ်မှုအတွက် အရေးယူဖို့ စတင်ဆောင်ရွက်နေပြီလို့ တပ်မတော် ကာကွယ်ရေး ဦးစီးချုပ်ရုံးက သတင်းထုတ်ပြန်ထားပါတယ်။

ဒီထုတ်ပြန်ချက်အပေါ် ဘူးသီးတောင်မြို့နယ်အတွင်း နေထိုင်တဲ့ မွတ်စလင်တွေက ပွင့်လင်းမြင်သာမှုရှိပါ့မလားလို့ သံသယဝင်နေကြပါတယ်။ မြန်မာအာဏာပိုင်တွေဟာ မြန်မာတွေအတွက်ပဲ ဆောင်ရွက်ပေးတာမျိုးရှိပြီး တခြားလူမျိုးတွေ တိုင်းရင်းသားတွေအတွက်ဆို ဘာမှလုပ်ပေးမှာ မဟုတ်ဘူးလို့လည်း သုံးသပ်ကြပါတယ်။