ဝက်သက်ရောဂါ ကာကွယ်ဆေး ထိုးပေးသွားမည်

မြန်မာတစ်နိုင်ငံလုံးမှာ ဒီတစ်လအတွင်း ဝက်သက်ရောဂါဖြစ်ပွားသူ ၂၇၆ ယောက်ရှိပြီး အဲဒီထဲက ရန်ကုန်တိုင်းအတွင်းမှာ ဝက်သက်ရောဂါဖြစ်ပွားနေတဲ့ လူနာက ၂၄၈ ယောက်ရှိနေပါတယ်။

ရန်ကုန်တိုင်းက မြို့နယ် ၄၅ မြို့နယ်ရှိတဲ့အနက်က ၇ မြို့နယ်အတွင်းမှာ ကပ်ရောဂါအသွင် ဝက်သက်ရောဂါ ကူးစက်ပျံ့နှံ့နေတဲ့အတွက် အဲဒီ ၇ မြို့နယ်က အသက် ၁၅ နှစ်အောက် ကလေးလူငယ်တွေကို ဝက်သက်ရောဂါကာကွယ်ဆေး ထိုးနှံပေးသွားမယ်လို့ ပြည်သူ့ကျန်းမာရေးဦးစီးဌာနက သိရပါတယ်။