ICC တာဝန်ရှိသူတွေ ရိုဟင်ဂျာဒုက္ခသည်တွေကို တွေ့ဆုံ
နိုင်ငံတကာ ရာဇဝတ်မှု တရားရုံး (အိုင်စီစီ) က တာဝန်ရှိသူတွေဟာ ရိုဟင်ဂျာတွေကို လူမျိုးတုံးသတ်ဖြတ်မှုအတွက် တွေ့ဆုံခဲ့ပါတယ်။
-
RFA Burmese
2023-07-07 -
-
-
နိုင်ငံတကာ ရာဇဝတ်မှု တရားရုံး (အိုင်စီစီ) က တာဝန်ရှိသူတွေဟာ ရိုဟင်ဂျာတွေကို လူမျိုးတုံးသတ်ဖြတ်မှုအတွက် မြန်မာစစ်တပ်ကို တရားစွဲဆိုထားတဲ့အမှုမှာ ကိုယ်တွေ့ကြုံခဲ့ရသူတွေကို ဇူလိုင်လ ၆ ရက်က သွားရောက်တွေ့ဆုံပြီး ထွက်ဆိုချက်တွေ ရယူခဲ့ပါတယ်။
အိုင်စီစီရဲ့ တရားရေးအရာရှိ ကာရင် အာဆက် အာမက် ခန်က မြန်မာနိုင်ငံက ထွက်ပြေးလာတဲ့ ရိုဟင်ဂျာ ဒုက္ခသည် အများစုရှိတဲ့ ဘင်္ဂလားဒေ့ရှ် နိုင်ငံ ကောက်ဘဇားက ဒုက္ခသည် စခန်းတွေကို လေးရက်ကြာ သွားရောက်ပြီး မျက်မြင်သက်သေတွေနဲ့ တွေ့ဆုံခဲ့တာဖြစ်ပါတယ်။
အိုင်စီစီက တာဝန်ရှိသူတွေဟာ ကောက်ဘဇားက ရိုဟင်ဂျာ ဒုက္ခသည် စခန်း ၁ နဲ့ ၂ ကို သွားရောက်ပြီး၊ ဒုက္ခသည်အချို့ကို စကားပြန်ကနေတဆင့် စကားပြောဆိုခဲ့ကြတယ်လို့ ဒုက္ခသည်တွေ အကူအညီပေးရေးနဲ့ နေရပ်ပြန်ပို့ရေး ကော်မရှင်ရုံးက တာဝန်ရှိသူ ခါလစ် ဟူဆိန်က ပြောပါတယ်။
အိုင်စီစီတာဝန်ရှိသူတွေက သူတို့ရဲ့ စုံစမ်းစစ်ဆေးမှုတွေကို အကူအညီပေးဖို့ ဘင်္ဂလားဒေ့ရှ် ဝန်ကြီးချုပ် ရှိတ် ဟာဆီနာနဲ့ နိုင်ငံခြားရေး ဝန်ကြီး အေကေ အဗ္ဗဒူရာမန် တို့ကို တောင်းဆိုထားပါတယ်။