မြစ်ကြီးနား-မန္တလေး ရထားများ ပြန်လည်ပြေးဆွဲ
ကချင်ပြည်နယ် နဲ့ စစ်ကိုင်းတိုင်းဒေသကြီး မှာ ပြီးခဲ့တဲ့ ဇူလိုင်လအတွင်း မိုးများ ပြီး ရေကြီးရေလျှံခဲ့တာကြောင့် ရပ်နား ထားတဲ့ မြစ်ကြီးနား-မန္တလေးရထားတွေ ဒီနေ့ ပြန်လည်ပြေး ဆွဲနေပါတယ်။
-
2015-08-17 -
-
-
ကချင်ပြည်နယ် နဲ့ စစ်ကိုင်းတိုင်းဒေသကြီးမှာ ပြီးခဲ့တဲ့ ဇူလိုင်လအတွင်း မိုးများပြီး ရေကြီးရေလျှံခဲ့တာကြောင့် ရပ်နားထားတဲ့ မြစ်ကြီးနား-မန္တလေးရထားတွေ ဒီနေ့ ပြန်လည်ပြေးဆွဲနေပါတယ်။
ပြီးခဲ့တဲ့ ဇူလိုင်လ ၁၇ရက်နေ့ကစပြီး ရပ်နားထားတဲ့ ရထားခရီးစဉ်တွေကို တစ်လအကြာမှာ ပြန်လည်ပြေးဆွဲနိုင် တာဖြစ်တယ်လို့ မြစ်ကြီးနားမီးရထားရုံပိုင်ကြီး ဦးမြင့်အောင်က ပြောပါတယ်။
"မီးရထားကတော့ ကုန်စည်စီးဆင်းမှု ခဏရပ်ဆိုင်းသွားတာပေါ့၊ ၁၇ ရက်နေ့ကစပြီး ရထားတွေအကုန်လုံး ပုံမှန်ပြေးဆွဲနေပြီဖြစ်ကြောင်း အားလုံးချောျချောမွေ့မွေ့သွားလို့ရပါပြီ"
စစ်ကိုင်းတိုင်းဒေသကြီး ကောလင်းမြို့နယ်က ကန်ကြီးနဲ့ ဇော်ချောင်းဘူတာအကြား တံတားအမှတ် ၂၈၁ ဟာ ရေနစ်မြုပ်မှုကြောင့် ပျက်စီးသွားတဲ့အတွက် ခရီးစဉ်တွေကို ရပ်နားခဲ့ရတာဖြစ်တယ်လို့ သိရပါတယ်။
ခရီးစဉ်တွေ ရပ်နားထားတဲ့ တစ်လအတွင်း ကုန်စည်စီးဆင်းမှု ရပ်ဆိုင်းသွားတဲ့အတွက် မြစ်ကြီးနားမြို့မှာ အခြေခံစားသောက်ကုန်တစ်ချို့ ဈေးမြင့်တက်ခဲ့ပါတယ်။
မြန်မာ့မီးရထားက မြစ်ကြီးနား- မန္တလေးခရီးစဉ်အတွက် ခရီးသည်တင် ရထား ၅ စီးကို အစုန်-အဆန်ပြေး ဆွဲနေတာဖြစ်ပါတယ်။