ရခိုင် ရွာ ၄ ရွာပြောင်းရွှေ့

ပြီးခဲ့တဲ့အပတ်က အကြမ်းဖက်မှုတွေဖြစ်ပွားခဲ့တဲ့ ရသေ့တောင်မြို့နယ်၊ အောက်နန်းရွာအနီးက ရခိုင်ရွာ ၄ရွာက ဒေသခံ၆ ၉၄ ဦး နယ်ခြားစောင့်တပ်တွေရှိတဲ့ရွာကို ထွက်ပြေးခဲ့ကြပါတယ်။ အဲဒီဒေသဟာ အရင်ကထဲက ရခိုင်တိုင်းရင်းသားတွေနဲ့ အစ္စလာမ်ဘာသာဝင်တွေ အတူ အေးချမ်းစွာ နေထိုင်ခဲ့ကြတာဖြစ်ပြီး ပြဿနာ တစ်စုံတရာမရှိခဲ့ဘူးလို့အဲဒီဒေသ ဇာတိဖြစ်တဲ့ ရသေ့တောင်မြို့နယ် ပြည်နယ်လွှတ်တော် ကိုယ်စားလှယ် ဦးဦးသန်းနိုင်က ပြောပါတယ်။

အခုအခြေအနေမှာ အကြမ်းဖက်သမားတွေရဲ့ စည်းရုံးမှုတွေကြောင့် ပြဿနာတွေဖြစ်ရတယ်လို့ ဆိုပါတယ်။ ဦးဦးသန်းနိုင်ကို ဦးတင်အောင်ခိုင်က ဒေသအခြေအနေများ အကြောင်း ဆက်သွယ် မေးမြန်းထားပါတယ်။