CDM လှုပ်ရှားမှုမှာ ပါဝင်လာတဲ့ လှိုင်သာယာ ရဲတပ်ခွဲမှူး

2021.03.06

လှိုင်သာယာမြို့နယ်၊ အမှတ် (၉) လုံခြုံရေးတပ်ဖွဲ့ အမှတ် (၃) တပ်ခွဲမှာ တပ်ခွဲမှူး တာဝန်ထမ်းဆောင်နေတဲ့ ရဲအုပ် ဝင်းသန်းထွန်း ကိုယ်ပိုင်အမှတ် လ - ၁၉၀၅၉၉ဟာ မတ် ၆ ရက်နေ့ ဒီနေ့မှာ အာဏာဖီဆန်ရေး လှုပ်ရှားမှုမှာ ပါဝင်လာပါတယ်။

ပြည်သူ့အသက်အိုးအိမ် စည်းစိမ်ကို ကာကွယ်စောင့်ရှောက်ရမယ့် ရဲတပ်ဖွဲ့ဟာ လက်ရှိမှာ ပြည်သူ့အသက်အိုးအိမ်ကို ဖျက်ဆီးနေပြီး ပြည်သူက အပ်နှင်းတဲ့ လက်နက်နဲ့ လုပ်ပိုင်ခွင့်ကိုသုံးပြီး ပြည်သူ့ကို သတ်နေတဲ့အတွက် လက်ရှိအဖွဲ့အစည်းမှာ တာဝန် မထမ်းဆောင်နိုင်တော့လို့ အာဏာဖီဆန်ရေး လှုပ်ရှားမှုမှာ ပါဝင်လာတာလို့ ပြောပါတယ်။

ရဲတပ်ဖွဲ့ဝတ်စုံတွေကို တပ်မတော်က ဝတ်ဆင်ပြီး ကျည်စစ်ကျည်မှန်တွေနဲ့ ပစ်ခတ်တာတွေရှိလို့ ရဲတပ်ဖွဲ့ရဲ့ ပုံရိပ်ကျဆင်းသွားပြီလို့ သူက ပြောပါတယ်။

ရဲအုပ် ဝင်းသန်းထွန်း ပြောကြားချက်ကို ကြည့်ရှုနိုင်ပါတယ်။

ဆက်နွယ်သောသတင်းများ
မေးမြန်းခန်း
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။