အာဏာဖီဆန်ရေးလှုပ်ရှားမှုတွေနဲ့ ညအချိန် ဖမ်းဆီးမှုတွေအပေါ် ဥပဒေရှုထောင့်

ည ၈ နာရီကနေ မနက် ၄ နာရီအထိ နေအိမ်အပြင်မထွက်ရ အမိန့်ထုတ်ပြန်ထားတဲ့ စစ်အာဏာသိမ်းအစိုးရဟာ ညအချိန်မတော်နဲ့ မိုးမလင်းခင်အချိန်တွေမှာ စစ်အာဏာရှင်စနစ် ဆန့်ကျင်နေသူတွေကို လိုက်လံဖမ်းဆီးနေပါတယ်။

စစ်အစိုးရဟာ ဥပဒေနဲ့အညီ တည်ထောင်ထားတဲ့ အစိုးရမဟုတ်တဲ့အတွက် ဥပဒေနဲ့မညီတဲ့ ဖမ်းဆီးမှုတွေ လုပ်ဆောင်နေတာဖြစ်ပြီး အာဏာရှင်ဖီဆန်ရေးလှုပ်ရှားသူတွေက လက်ရှိတည်ဆဲ ၂၀၀၈ ဖွဲ့စည်းပုံနဲ့အညီ လွတ်လပ်စွာ ဆန္ဒထုတ်ဖော်နေတာသာဖြစ်တယ်လို့ တရားလွှတ်တော်ရှေ့နေ တစ်ဦးက ပြောပါတယ်။