ကိုတင်မောင်ဦးရဲ့ နောက်ဆုံးမိနစ်များ

၁၉၇၆ ဇွန်လ ၂၆ ရက်နေ့မှာ စစ်အစိုးရက သပိတ်မှောက် တက္ကသိုလ်ကျောင်းသားခေါင်းဆောင် (ဦး) ကိုတင်မောင်ဦးကို အင်းစိန်ထောင်မှာကွပ်မျက်ခဲ့စဉ်က ကြိုးစင်နဲ့ အနီးဆုံးဖြစ်တဲ့ အမျိုးသမီးနိုင်ငံရေးအကျဉ်းဆောင်မှာ ဦးသန့်အရေးအခင်း ပါဝင်မှုနဲ့ ထိန်းသိမ်းခံနေရသူ မဌေးဌေးဝင်း ရှိနေခဲ့ပါတယ်။

ကြိုးတိုက်က ခေါ်ထုတ်လာတဲ့ခြေသံတွေ၊ ကြိုးစင်ခလုပ်ဆွဲသံတွေစတဲ့  ကိုတင်မောင်ဦး ရဲ့  နောက်ဆုံးမိနစ်တွေကိုကြားသိခဲ့ရသူဟာ ကြိုးပေးစဉ်မှာပါဝင်ခဲ့တဲ့ အာဏာပိုင်တွေကလွဲရင် မဌေးဌေးဝင်းတဦးပဲရှိတယ်လို့ ယူဆရပါတယ်။  နိုင်ငံရေးအကျဉ်းသူဟောင်း မဌေးဌေးဝင်းကို ဦးခင်မောင်စိုး က ဆက်သွယ်မေးမြန်း ထားပါတယ်။