စစ်ကောင်စီ နိုင်ငံရေးကမထွက်ရင် တွေ့ဆုံဆွေးနွေးဖို့ မရှိကြောင်း KNU ပြော

ဝေမာထွန်း(ဝါရှင်တန်ဒီစီ)
2024.04.24

ကရင်ပြည်နယ်၊ မြဝတီမြို့ကို ပြန်လည်သိမ်းပိုက်မယ်ဆိုပြီး ရောက်လာမဲ့ စစ်ကောင်စီရဲ့ စစ်ကူတပ်တွေကို ရှင်းထုတ်သွားမယ်လို့ ကရင်အမျိုးသားအစည်းအရုံး KNU ရဲ့ပြောရေးဆိုခွင့်ရှိသူ ပဒိုစောတောနီးက ဧပြီလ ၂၄ ရက်နေ့မှာ RFA ကိုပြောပါတယ်။

မြဝတီမြို့က ခလရ ၂၇၅ တပ်ရင်းထဲကို စစ်ကောင်စီတပ်က နယ်ခြားစောင့်တပ်ဖွဲ့ (BGF) အကူအညီနဲ့ ဧပြီ ၂၃ ရက်နေ့မှာ ပြန်လည်ဝင်ရောက်တပ်စွဲခဲ့ပေမဲ့ သင်္ဃန်းညီနောင်က တပ်ရင်း ၃၅၅၊ ၃၅၆ ၊ ၃၅၇ နဲ့ ဗျူဟာကုန်းတွေမှာ ကရင်အမျိုးသားလွတ်မြောက်ရေးတပ်မတော် (KNLA)နဲ့ ပူးပေါင်းတပ်တွေက နေရာယူထားတယ်လို့ ဆိုပါတယ်။

စစ်ကောင်စီက နိုင်ငံရေးကနေထွက်ပြီး ကျူးလွန်ခဲ့သမျှကိုတာဝန်ယူတာ၊ ဖက်ဒရယ်ဒီမိုကရေစီပြည်ထောင်စုတည်ထောင်ဖို့ ဖွဲ့စည်းပုံအခြေခံဥပဒေသစ်ရေးဆွဲရေးကို ဦးစွာသဘောတူတာမရှိဘဲ ဘယ်သူကဖိအားပေးပေး လက်ခံဆွေးနွေးဖို့မရှိဘူးလို့ ပဒိုစောတောနီးက ပြောလိုက်ပါတယ်။

မြဝတီတိုက်ပွဲ နောက်ဆုံးအခြေအနေနဲ့ ပတ်သက်ပြီး KNU ပြောရေးဆိုခွင့်ရှိသူ ပဒိုစောတောနီးကို RFA သတင်းထောက် မဝေမာထွန်း ဆက်သွယ်မေးမြန်းထားပါတယ်။

ဆက်နွယ်သောသတင်းများ
မေးမြန်းခန်း
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။