UNFC နဲ့ အစိုးရအဖွဲ့ တွေ့ဆုံမယ့်အကြောင်း မေးမြန်းချက်

လာမယ့် အောက်တိုဘာလ ၂၃ ရက်နေ့နဲ့ ၂၄ ရက်နေ့တွေမှာ ညီညွတ်သော တိုင်းရင်းသားလူမျိုးများဖက်ဒရယ် ကောင်စီ UNFC က ကိုယ်စားလှယ်အဖွဲ့နဲ့ ငြိမ်းချမ်းရေးကော်မရှင်တို့ ရန်ကုန်မြို့မှာ ၇ ကြိမ်မြောက် တွေ့ဆုံဆွေးနွေးမှာဖြစ်ပါတယ်။ အဲဒီဆွေးနွေးပွဲမှာ တပ်မတော်ဘက်က လမ်းဖွင့်ဆွေးနွေးပေးဖို့နဲ့ NCA ဘောင်အတွင်းက ဆွေးနွေးရမယ်ဆိုတဲ့ တရားသေဝါဒ မဆုပ်ကိုင်ထားဖို့ UNFC ဘက်ကတောင်းဆိုလိုက်ပါတယ်။

ညီညွတ်သော တိုင်းရင်းသားလူမျိုးများဖက်ဒရယ်ကောင်စီ UNFC ရဲ့ ဗဟိုအလုပ်မှုဆောင် ကော်မတီဝင် ဦးထွန်းဇော်ကို RFA သတင်းထောက် မဝေမာထွန်း ဆက်သွယ်မေးမြန်းထားပါတယ်။