လန်ဒန်မှာ အာရှသားတွေ ရောဂါကူးစက်မှုများနေ

ကမ္ဘာတဝှမ်းမှာ ကိုရိုနာဗိုင်းရပ်စ်ကူးစက်ခံရသူဦးရေဟာ ဧပြီလ ၂၁ ရက် အင်္ဂါနေ့အထိ ၂ သန်းခွဲကျော်နဲ့ သေဆုံးသူ ၁ သိန်း ၇ သောင်းကျော် ရှိသွားပါပြီ။ မြန်မာနိုင်ငံမှာဆိုရင်လည်း ကိုရိုနာဗိုင်းရပ်စ်ကူးစက်ခံရသူ ၁၂ဝ ကျော်နဲ့ သေဆုံးသူက ၅ ယောက် ရှိပါတယ်။ ဒီအထဲမှာ ကျန်းမာရေးဝန်ထမ်းတချို့လည်း ကူးစက်ခံနေရတာ ဖြစ်ပါတယ်။

ဗြိတိန်နိုင်ငံ လန်ဒန်မြို့မြောက်ပိုင်းက ကိုရိုနာဗိုင်းရပ်စ် ကူးစက်မှု အဆိုးဆုံးမြို့နယ်ထဲမှာရှိတဲ့ NHS ဆေးရုံမှာ တာဝန်ထမ်းဆောင်နေတဲ့ ဆီးချိုနဲ့ အထွေထွေရောဂါ အထူးကုဆရာဝန် ဒေါက်တာ စန္ဒီဝင်းညွန့် ကို လူနာတွေနဲ့ ပတ်သက်တဲ့ သူ့ရဲ့ အတွေ့အကြုံတွေနဲ့ အာရှသား တွေကူးစက်ခံရမှုများတဲ့ လန်ဒန်မြို့က အခြေအနေတွေကို RFA ဝိုင်းတော်သူ မနန္ဒာချမ်းက ဆက်သွယ်မေးမြန်းထားပါတယ်။