၈၈ က ဆရာဝန်နဲ့ သူနာပြုတွေကို ဂုဏ်ပြုပန်းစည်းတွေပေး

စစ်အာဏာရှင်စနစ်ကို ဆန့်ကျင်ဆန္ဒပြခဲ့ကြတဲ့ ဆရာဝန်၊ သူနာပြုဆရာမတွေနဲ့ ပြည်သူတွေ အတူတကွ ရှိနေတယ်ဆိုတဲ့ သတင်းစကားနဲ့ ဂုဏ်ပြုပန်းစည်းကို ၈၈ မျိုးဆက်ငြိမ်းချမ်းရေးနှင့် ပွင့်လင်းလူ့အဖွဲ့အစည်း ဝင်တွေက ဖေဖော်ဝါရီလ ၄ ရက်နေ့ ဒီနေ့မှာ ဆရာဝန်၊ ဆရာမတချို့ထံ သွားရောက်ပေးပြီး ပြောခဲ့ပါတယ်။

ဆရာဝန် ဆရာမတွေဟာ ကိုဗစ်ကာလမှာလည်း ပြည်သူတွေအတွက် လိုအပ်တဲ့ ကျန်းမာရေးစောင့်ရှောက် မှုတွေ ဆောင်ရွက်ပေးခဲ့ပြီး စစ်အာဏာရှင်စနစ် တွန်းလှန်ရေးမှာလည်း ပြည်သူတွေကိုယ်စား ရှေ့တန်းက တိုက်ပွဲဝင်ပေးခဲ့တာကြောင့် အခုလို ဂုဏ်ပြုပန်းစည်းနဲ့ ဂုဏ်ပြုတာဖြစ်တယ်လို့ ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်းက မနုနုအောင်က ပြောပါတယ်။