རྒྱ་ནག་ནང་དཔལ་འབྱོར་འཕེལ་རྒྱས་ཀྱི་མྱུར་ཚད་ལྷོད་དུ་སོང་ཡོད་པ།

རྒྱ་ནག་ནང་དཔལ་འབྱོར་འཕེལ་རྒྱས་འགྲོ་བཞིན་པའི་མྱུར་ཚད་ལྷོད་དུ་སོང་ནས་ཡུལ་ཐང་རིན་གོང་ཚད་གཞི་ལས་ལྷག་པ་ཆགས་ཡོད་པ་ནི།  དཔལ་འབྱོར་རིག་པའི་ཐོག་ནས་དོ་སྣང་བྱེད་གཞི་གཅིག་ཏུ་གྱུར་ཡོད་པ་དང་།  རྒྱ་ནག་ནང་ན་གཞོན་ལས་མེད་ཀྱི་གྲངས་འབོར་འདི་བཞིན་འདས་པའི་ཟླ་ཤས་རིང་བརྒྱ་ཆ་ ༢༠ བརྒལ་བར་གྱུར་ཡོད་པ་གནས་ཚུལ་ཐོན་ཡོད་པ་རེད།  དུས་སྐབས་འདིར་ཨ་རིའི་ནོར་སྲིད་དྲུང་ཆེ་གྷི་ན་རཡེམོནཌོ་མཆོག་རྒྱ་ནག་ཏུ་ཕེབས་ཏེ་སྟོབས་ཆེན་རྒྱལ་ཁབ་གཉིས་ཀྱི་དབར་ལ་ཚོང་དོན་དང་དཔལ་འབྱོར་གྱི་དཀའ་རྙོག་ཁག་སེལ་ཐབས་ཐད་གླེང་མོལ་བྱེད་ཡོད་པ་རེད།  ཐེངས་འདིའི་གནད་དོན་གླེང་མོལ་གྱི་ལས་རིམ་ནང་།  ཨ་ཪིའི་ནང་མིཏ་སུ་སྦིཤི་དཔལ་འབྱོར་སྡེ་ཚན་དང་དངུལ་ཁང་ནང་གཙོ་འཛིན་གཞོན་པའི་གོ་གནས་ཐོག་འགན་འཁུར་བཞེས་བཞིན་པ་དཔལ་འབྱོར་རིག་པ་བ་རྟའུ་བསྟན་འཛིན་དམ་ཆོས་ལགས་དང་ལྷན་རྒྱ་ནག་གི་དཔལ་བྱོར་ཉམས་རྒུད་ཀྱི་གནས་སྟངས་ལ་དབྱེ་ཞིབ་ཞུ་སླད་ཨེ་ཤེ་ཡ་རང་དབང་རླུང་འཕྲིན་ཁང་གི་རྩོམ་སྒྲིག་འགན་འཛིན་བཀྲ་ཤིས་དབང་ཕྱུག་ལགས་ཀྱིས་གླེང་མོལ་ཞུས་པ་འདི་གསན་རོགས་གནང་།

གསར་འགོད་པ། བཀྲ་ཤིས་དབང་ཕྱུག
རྩོམ་སྒྲིག་པ། དོན་གྲུར་རྣམ་རྒྱལ།
དྲྭ་ཐོག་སྤེལ་མཁན། ཡེ་ཤེས་བཀྲ་ཤིས།