རྒྱལ་སྤྱིའི་སྟེང་བྱུང་བའི་བོད་དང་འབྲེལ་བའི་གནས་ཚུལ་ཁག་གསུམ།

༄༅།།  ཐེངས་འདིའི་གངས་ལྗོངས་གླེང་སྟེགས་ཀྱི་སྐབས་སུ་བབས་པའི་གླེང་བྱ་ནི། ཉེ་ལམ་རྒྱལ་སྤྱིའི་སྟེང་བྱུང་བའི་བོད་དང་འབྲེལ་བའི་གནས་ཚུལ་ཁག་གསུམ་སྟེ། རྒྱ་རིགས་འབྱོར་ལྡན་ཀུའོ་ཝེན་ཀུའེ་ཟེར་བས་སྤེལ་བའི་རྒྱ་ནག་རྒྱལ་ཕྲན་མཉམ་འབྲེལ་གསར་བ་ཟེར་བའི་བསྒྲགས་གཏམ་ཏུ་བོད་དེ་དམིགས་བསལ་རང་སྐྱོང་གི་ངོ་བོས་བཅུགས་པར། བོད་མིའི་དེར་ངོ་རྒོལ་བྱས་པར་ཀུའོ་ཝེ་ཀུའེ་ཡིས་ཚིག་སྦྱོར་རྩུབ་མོས་ཡ་ལན་སྤྲད་པའི་སྐོར་དང་། གཉིས་པ་ནི་ལ་དྭགས་པ་ཕུན་ཚོགས་སྟོབས་ལྡན་གྱིས་རྒྱ་གར་ནག་གི་ས་མཚམས་རྩོད་རྙོག་གླེང་སྐབས༧གོང་ས་མཆོག་གིས་ཐུགས་སྣང་མ་གནང་ལུགས་སྐྱོན་བརྗོད་བྱས་པའི་སྐོར། གསུམ་པ་ནི་ཨ་རིའི་མི་རིགས་ནག་པོའི་ངོ་རྒོལ་ལས་འགུལ་ལ་བོད་མིའི་རྒྱབ་སྐྱོར་བྱེད་དགོས་མིན་རྩོད་གླེང་བཅས་ཁག་གསུམ་ཀྱི་ཐད་འབྲེལ་ཡོད་བོད་མི་གསུམ་དང་མཉམ་དུ་སྟག་ལྷ་རྒྱལ་གྱིས་བགྲོ་གླེང་བྱེད་རྒྱུ་ཡིན།