བོད་པའི་ནང་ཆོས་ཀྱི་གནའ་ཤུལ་དངོས་རྫས་ཁག་༣༨རྒྱ་ནག་ལ་ཕྱིར་སློག་བྱས་པ།

ཁ་བའི་གྲོས་ཪྭ་ལེ་ཚན་ནང་བོད་པའི་ནང་ཆོས་ཀྱི་གནའ་ཤུལ་དངོས་རྫས་ཁག་༣༨རྒྱ་ནག་ལ་ཕྱིར་སློག་བྱས་པའི་གནད་དོན་ཐད་དབྱེ་ཞིབ་བྱས་པ།

ཨ་མི་རི་ཀའི་གྲོང་ཁྱེར་ནེའུ་ཡོག་གི་(Manhattan)་རྫོང་གི་ཁྲིམས་རྩོད་ལས་ཁང་གི་གནའ་ཤུལ་རིག་དངོས་ནག་ཚོང་དོ་དམ་སྡེ་ཚན་གྱིས། ༢༠༢༤ཟླ་༤ཚེས་༡༧ཉིན་གནའ་ཤུལ་དངོས་རྫས་༣༨བོད་བརྒྱུད་ནང་བསྟན་གྱི་དངོས་རྫས་ཡིན་པའི་ངོ་རྟགས་བཟུང་རྗེས་དེ་དག་རྒྱ་ནག་ལ་ཕྱིར་སྤྲོད་བྱ་རྒྱུའི་མཛད་སྒོ་ཞིག་གྲོང་ཁྱེར་དེའི་ནང་བཅའ་སྡོད་རྒྱ་ནག་གི་གཞུང་ཚབ་ཡན་ལག་ལས་ཁུངས་སུ་འཚོགས་འདུག་ཅིང་། མཛད་སྒོའི་ཐོག་རྒྱ་ནག་གི་རིག་གཞུང་དང་ཡུལ་སྐོར་སྤྲོ་འཆམ་ལས་ཁང་གི་བློན་ཆེན་གཞོན་པ་(Li Qun)་དང་ཨ་རིའི་གྲོང་ཁྱེར་ནེའུ་ཡོག་ནང་བཅའ་སྡོད་རྒྱ་ནག་གི་གཞུང་ཚབ་ཡན་ལག་ཁང་གི་དོན་གཅོད་(Huang Ping)་བཅས་མཉམ་ཞུགས་བྱས་ཡོད་འདུག

དེ་རིང་ཁ་བའི་གྲོས་རྭ་ལེ་ཚན་ནང་ཨ་རིའི་མངའ་སྡེའི་གཞུང་གིས་རྒྱ་ནག་ལ་བོད་མིའི་དངོས་རྫས་ཕྱིར་སློག་བྱས་པར་ངོ་རྒོལ་སྐྱོན་བརྗོད་གནང་མཁན་ (Santa Fe)བོད་རིགས་སྤྱི་མཐུན་ཚོགས་པའི་ཚོགས་མི་རྒན་གྲས་ཡིན་པ་བླ་མ་དབང་ཕྱུག་རྒྱལ་མཚན་ལགས་དང་ཨ་རིའི་ནིའུ་ཡོག་གྲོང་ཁྱེར་ནང་གནས་སྡོད་བོད་མི་ཁྲིམས་རྩོད་པ་བསྟན་འཛིན་དབང་རྒྱལ་ལགས་རྣམ་པ་གཉིས་དང་རྩོམ་སྒྲིག་འགན་འཛིན་རྡོ་རྗེ་དགྲ་འདུལ་གྱིས་གླེང་མོལ་ཞུས་པ་གསན་རོགས་གནང་།

གསར་འགོད་པ། རྡོ་རྗེ་དགྲ་འདུལ།

རྩོམ་སྒྲིག་པ། རྡོ་རྗེ་དགྲ་འདུལ།

དྲྭ་ཐོག་སྤེལ་མཁན། པ་སངས་དོན་ལྡན།