བལ་ཡུལ་ས་ཐོག་ཏུ་རྒྱ་ནག་དང་ཁ་བྲལ་གྱི་ལས་འགུལ་གང་ཞིག་སྤེལ་མི་ཆོག་པའི་ཁས་ལེན་བྱས་ཡོད་པ།

བལ་པོའི་སྲིད་བློན་རྒྱ་ནག་ལ་གཞུང་འབྲེལ་ཕྱོགས་སྐྱོད་ཕེབས་པ་དང་མཚུངས་རྒྱ་བལ་གཉིས་ཀྱི་ཟུང་སྦྲེལ་བསྒྲགས་གཏམ་ཞིག་སྤེལ་བའི་ནང་ བོད་དང་བོད་པའི་རྩ་དོན་ནི་རྒྱ་ནག་གི་ནང་སྲིད་གནད་དོན་རེད་ཅེས་བལ་པོའི་གཞུང་གིས་བསྐྱར་དུ་ནན་བརྗོད་བྱས་ཏེ་བལ་ཡུལ་ས་ཐོག་ཏུ་རྒྱ་ནག་དང་ཁ་བྲལ་གྱི་ལས་འགུལ་གང་ཞིག་སྤེལ་མི་ཆོག་པའི་ཁས་ལེན་བྱས་འདུག བལ་ཡུལ་ནང་གཞུང་འཛིན་ཚོགས་པ་སུ་འདྲ་ཞིག་སླེབས་མིན་ལ་མ་ལྟོས་པར་བལ་ཡུལ་གཞུང་ནས་རྒྱ་ནག་གཅིག་གི་སྲིད་ཇུས་ལ་རྩིས་སྲུང་དང་རྒྱབ་སྐྱོར་ས་བརྟན་གནས་ཡོད་པ་འདི་ག་རླུང་འཕྲིན་ཁང་ལ་འབྲེལ་ཡོད་མི་སྣའི་གསུངས་ཡོད་པའི་སྐོར་བསྟན་འཛིན་བདེ་སྐྱིད་ལགས་ཀྱིས་སྙན་སྒྲོན་གནང་གི་རེད།།
གསར་འགོད་པ། བསྟན་འཛིན་བདེ་སྐྱིད།
རྩོམ་སྒྲིག་པ། དཔལ་ལྡན་རྒྱལ།
དྲ་ཐོག་སྤེལ་མཁན། རྟ་མགྲིན་དབང་ཕྱུག