རྒྱལ་སྤྱིའི་བཙན་དབང་འོག་གར་སོང་ཆ་མེད་དུ་གྱུར་བའི་གནོད་འཚེ་འཕོག་མཁན་རྣམས་ལ་རྗེས་དྲན་ཞུས་པའི་ཉིན་མོ།

ཕྱི་ཟླ་ ༨ ཚེས་ ༣༠ ཉིན་ནི་རྒྱལ་སྤྱིའི་བཙན་དབང་འོག་གར་སོང་ཆ་མེད་དུ་གྱུར་བའི་གནོད་འཚེ་འཕོག་མཁན་རྣམས་ལ་རྗེས་དྲན་ཞུས་པའི་ཉིན་མོ་ཡིན་པ་བཞིན། ཨ་མི་རི་ཀའི་ཕྱི་སྲིད་དྲུང་ཆེ་ཨེཎ་ཊོ་ནི་ སྦལིང་ཀེན་  (Antony J. Blinken) མཆོག་གི་མཚན་ཐོག་ནས་བསྒྲགས་གཏམ་སྤེལ་བའི་ནང་། འཛམ་གླིང་ཁྱོན་ཡོངས་སུ་བཙན་དབང་འོག་གར་སོང་ཆ་མེད་དུ་གྱུར་བའི་མནར་གཅོད་ཕོག་མཁན་རྣམས་དྲན་གྱི་ཡོད། དེའི་ནང་རྒྱ་ནག་མི་དམངས་སྤྱི་མཐུན་རྒྱལ་ཁབ་ཡང་ཚུད་ཡོད། ཨ་མི་རི་ཀས་འཛམ་གླིང་གི་ཕྱོགས་གང་སར་ཡོད་པའི་གཞུང་ཁག་ལ་དྲག་གནོན་འོག་གར་སོང་ཆ་མེད་གཏོང་བའི་བྱ་སྤྱོད་འདི་མཚམས་འཇོག་དགོས་པ་དང་། ཉེས་སྤྱོད་དེའི་ཐད་འགན་འཁྲི་འཁུར་ལེན་བྱ་དགོས་པའི་འབོད་སྐུལ་ཞུ་བཞིན་པ་ཡིན་ཞེས་བཀོད་འདུག
བདུན་རེའི་དཔྱད་བརྗོད་གླེང་སྟེགས་ཀྱི་ལས་རིམ་ནང་།  ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་གྱི་འགན་འཛིན་གཞོན་པའི་ལས་ཚབ་བཀྲིས་དབང་ཕྱུག་ལགས་དང་།  རྩོམ་སྒྲིག་འགན་འཛིན་ལས་ཚབ་བསྟན་འཛིན་བདེ་སྐྱིད་ལགས་ཀྱི་དབར་དཔྱད་གཞིའི་གླེང་མོལ་ཞུས་པར་གསན་རོགས་གནང་།།

གསར་འགོད་པ། བསྟན་འཛིན་བདེ་སྐྱིད།

རྩོམ་སྒྲིག་པ། རིག་ལྡན་སྒྲོལ་མ།

དྲྭ་ཐོག་སྤེལ་མཁན། ནོར་སྒྲོན།