ཤྲི་ལང་ཀའི་ནང་པའི་ཆོས་མཐོའི་སྐུ་ཚབ་ནས་༧གོང་ས་མཆོག་ལ་ཤྲི་ལང་ཁའི་ནང་ཆིབས་བསྒྱུར་གནང་སྐྱོང་ཡོང་བའི་སྐྱབས་འཇུག་ཞུས་པར་རྒྱ་ནག་གིས་ཉེན་བརྡ་བཏང་ཡོད་པ།

ཕྱི་ལོ་༢༠༢༢ སྤྱི་ཟླ་༡༢པའི་ཚེས་༢༨ཉིན་ཤྲིལང་ཀའི་ནང་པའི་ཆེས་མཐོའི་ལྷན་ཚོགས་ཀྱི་སྐུ་ཚབ་རྣམས་ནས་བོད་མིའི་བླ་ན་མེད་པའི་དབུ་ཁྲིད་༧སྤྱི་ནོར་༧གོང་ས་རྒྱལ་བ་རིན་པོ་ཆེ་མཆོག་ལ་མཇལ་བཅར་ཞུས་པ་དང་འབྲེལ་༧གོང་ས་མཆོག་ཤྲི་ལང་ཀའི་ནང་གནས་མཇལ་དང་ཆོས་འབྲེལ་གྱི་ཆེད་དུ་ཆིབས་བསྒྱུར་གནང་སྐྱོང་ཡོང་བའི་སྐྱབས་འཇུག་ཞུས་ཡོད་པ་དང་། དེ་ནས་རྒྱ་ནག་གི་གཞུང་ཚབ་ཁང་གིས་ཏྭ་ལའི་བླ་མ་ཤྲི་ལང་ཀའི་ནང་གནས་མཇལ་དུ་ཕེབས་བཅུག་ན་ཤྲི་ལང་ཀ་དང་རྒྱ་ནག་གཉིས་ཀྱི་འབྲེལ་བ་ལ་གནོད་སྐྱོན་ཆེན་པོ་ཡོང་སྲིད་པའི་ཉེན་བརྡ་བཏང་བ་དང་། ད་ལྟ་བཙན་བྱོལ་དུ་བཞུགས་བཞིན་པའི་ཆོས་ཕྱོགས་ཀྱི་ནང་པའི་དབུ་ཁྲིད་ཏྭ་ལའི་བླ་མ་དང་འབྲེལ་བ་བཅད་པ་ཡིན་ན་རྒྱ་ནག་གཞུང་གིས་དཔལ་འབྱོར་གྱི་ཐོག་ནས་ཁེ་ཕན་སྤྲོད་རྒྱུ་ཡིན་པ་འགྲེལ་བརྗོད་བྱས་ཡོད་པའི་སྐོར་ཚེ་དབང་ནོར་བུ་ལགས་ཀྱིས་གནས་ཚུལ་ཕྱོགས་སྒྲིག་དང་སྙན་སྒྲོན་ཞུས་པར་གསན་རོགས།།
གསར་འགོད་པ། ཚེ་དབང་ནོར་བུ།
རྩོམ་སྒྲིག་པ། རྡོ་རྗེ་དགྲ་འདུལ།
དྲ་ཐོག་སྤེལ་མཁན། རྟ་མགྲིན་དབང་ཕྱུག