རྒྱལ་སྤྱིའི་ནང་བཙན་ཤེད་འོག་གར་སོང་ཆ་མེད་སོང་བའི་མི་སྣའི་ཉིན་མོ་ཐེངས་༣༨པ།

ཕྱི་ཟླ་ ༨ ཚེས་ ༣༠ ཉིན་མོ་ནི་རྒྱལ་སྤྱིའི་ནང་བཙན་ཤེད་འོག་གར་སོང་ཆ་མེད་སོང་བའི་མི་སྣ་དག་ལ་གདུང་སེམས་མཉམ་སྐྱེད་ཞུ་བའི་དུས་དྲན་ ༣༨ པ་འཁེལ་བ་དང་། བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་བསྟི་གནས་ཁང་གིས་ངོས་ནས་འདས་པའི་ལོ་ ༣ རིང་ཤེས་རྟོགས་ཐུབ་པའི་ཁོངས་བོད་མི་གར་སོང་མེད་པར་བཙན་ཁྲིད་བྱས་པ་ ༤༠ ཙམ་གསལ་སྟོན་གནང་ཡོད་ཅིང་། ཆབ་སྲིད་བཙོན་ཟུར་ཡེ་ཤེས་རྟོགས་ལྡན་ལགས་ཀྱིས་གསུངས་ན།  བོད་མི་དེ་དག་ཁོངས་ནས་མང་པོ་ཞིག་རྐྱེན་འདས་སོང་ཟིན་ཡོད་པའི་ཚོད་དཔག་གནང་གི་འདུག ཐེངས་འདིའི་གནད་དོན་གླེང་མོལ་གྱི་ལས་རིམ་ནང་། བོད་ཀྱི་ཆབ་སྲིད་བཙོན་ཟུར་དགུ་བཅུ་གསུམ་ཚོགས་པའི་ཚོགས་གཙོ་ངག་དབང་ཁྲི་རལ་ལགས་དང་། བོད་ཀྱི་ཆབ་སྲིད་བཙོན་ཟུར་དང་དགུ་བཅུ་གསུམ་ཚོགས་པ་ཐོག་མར་དབུ་འཛུགས་གནང་མཁན་གྲས་ཡིན་པ་ཨོས་ཊེ་ལི་ཡར་གནས་བཞུགས་ཡེ་ཤེས་རྟོགས་ལྡན་ལགས་དང་ལྷན་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་བཀྲ་ཤིས་དབང་ཕྱུག་ལགས་ཀྱིས་གླེང་མོལ་ཞུས་པར་གསན་རོགས་གནང་།
གསར་འགོད་པ། བཀྲ་ཤིས་དབང་ཕྱུག
རྩོམ་སྒྲིག་པ། རིག་ལྡན་སྒྲོལ་མ།
དྲ་ཐོག་སྤེལ་མཁན། ཡེ་ཤེས་བཀྲ་ཤིས།