རྒྱ་ནག་གི་རྣམ་འགྱུར་ལ་བརྡ་ལེན།

༄༅།    །ད་ལོར་བསྟུད་མར་བཀྲམས་པའི་བོད་སྐོར་གྱི་དེབ་རྒྱབ་ཤོག་དཀར་པོ་ཅན་ཟེར་བ་གཉིས་དང་། རྒྱ་ནག་དབུས་བོད་ཀྱི་ལས་དོན་བཞུགས་མོལ་ཚོགས་ཐེངས་དྲུག་པ་སོགས་ཀྱི་ནང་དོན་ལ་གཞིགས་ན། རྒྱ་ནག་དབུས་གཞུང་གིས་བོད་དོན་ཐད་ཀྱི་སྲིད་ཇུས་ལ་འགྱུར་བ་བཏང་ཡོད་མེད་དང་། དེ་བཞིན་ཉེ་ལམ་རྒྱ་ནག་གཞུང་འབྲེལ༼གོ་ལའི་དུས་བབས་༽ཟེར་བའི་ཆེད་བརྗོད་རྩོམ་ཡིག་བཏོན་ནས། པཎ་ཆེན་སྐུ་ཕྲེང་བཅུ་གཅིག་པ་དགེ་འདུན་ཆོས་ཀྱི་ཉི་མ་མཆོག་མི་ལོ ༢༠འི་རིང་འཇིན་རྟེན་ཉི་མའི་འོག་མི་རྒྱུན་ལྡན་ནང་བཞིན་འཚོ་བ་རོལ་མི་ནུས་པར་གནོད་འཚེ་གཏོང་མཁན་དེ་ཏཱ་ལའི་རུ་ཚོགས་ཡིན་པ་ལས་རྒྱ་ནག་གཞུང་མིན་ལུགས་བརྗོད་ཡོད་པ་དང་། ཡང་ཀྲུང་གོ་བོད་ལྗོངས་དྲྭ་བ་ཟེར་བར་དམིགས་བསལ་གནས་ཚུལ་རྐྱང་བཀོད་ཀྱིས་བོད་ཀྱི་བདག་དབང་དང་སྲིད་དབང་། ནང་ཁུལ་ལས་དོན་རིགས་ཏཱ་ལའི་རུ་ཚོགས་དང་མཉམ་དུ་གྲོས་མོལ་མི་བྱེད་ཅེས་ཁ་ཚོད་བཅད་ནས་བཀོད་ཡོད་པ་མ་ཟད། རང་གཞུང་གི་སྲིད་ཇུས་དབུ་མའི་ལམ་ལ་ཁ་བྲལ་གྱི་གོམ་པ་དང་པོ་ཞེས་ངོ་བོ་ངོས་འཛིན་གྱིས་ཡང་བསྐྱར་ནན་བཤད་བྱས་ཡོད་པ་སོགས་ལས་གསལ་བ་ཞིག་ནི། རྒྱ་གཞུང་གིས་མ་འོངས་པའི་ལོ་ཤས་ནང་བོད་དོན་ཐད་ཀྱི་སྲིད་ཇུས་དང་རྣམ་འགྱུར་གསལ་བོར་བཏོན་ཡོད་པ་འདྲ། དེ་འདྲ་ཡིན་ཚེ། ང་ཚོས་དེ་ལ་བརྡ་ལན་ཞིག་སྤྲོད་དགོས་མིན་དང་རྣམ་འགྱུར་ཅི་ཞིག་འཛིན་དགོས་པ་སོགས་ཀྱི་ཐད་བགྲོ་གླེང་བྱེད་རྒྱུ་ཡིན།
དེ་རིང་གི་གདན་ཞུ་སྐུ་མགྲོན་ནི།
བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་ཉམས་ཞིབ་པ་ཚེ་རིང་རྒྱལ་ལགས་དང་།  
བཙན་བྱོལ་བོད་མིའི་སྒྲིག་འཛུགས་ཕྱི་དྲིལ་རྒྱ་སྐད་སྡེ་ཙན་གྱི་རྩོམ་སྒྲིག་པ་ཟུར་སངས་རྒྱས་སྐྱབས་གཉིས་ཡིན།

གསར་འགོད་པ་སྟག་ལྷ་རྒྱལ།