རྒྱ་ནག་གིས་རྒྱལ་ཁབ་མང་པོའི་ནང་གཏེར་ཁ་སྔོག་འདོན་བྱེད་པ་དང་ལས་མིའི་འགྲོ་བ་མིའི་ཐོབ་ཐང་ལ་བརྩི་མེད་རྡོག་རོལ་བཏང་བའི་ཐད་སྙན་ཐོ་བཏོན་ཡོད་པ།

༄༅།།དེང་སྐབས་དགོས་ངེས་ཅན་གྱི་ནུས་ཤུགས་ཀྱི་གཏེར་ཁ་ཐོན་སའི་ཕྱིའི་རྒྱལ་ཁབ་མང་པོ་ཞིག་གི་ནང་དུ་ཡང་རྒྱ་ནག་གི་གཏེར་འདོན་བཟོ་ཚོང་ལས་ཁང་ཁག་གིས་གཏེར་ཁ་བསྔོག་འདོན་བྱེད་པའི་བརྒྱུད་རིམ་གྱི་སྐབས་སུ་ལས་ཀ་བྱེད་བཞིན་པའི་ལས་མིའི་གཞི་རྩའི་རྒྱལ་སྤྱིའི་འགྲོ་བ་མིའི་ཐོབ་ཐང་དང་ཁོར་ཡུག་ཀྱི་གནས་སྟངས་བཅས་ལ་བརྩི་མེད་རྡོག་རོལ་བཏང་ཡོད་པའི་སྐོར་དབྱིན་ཡུལ་གྱི་རྒྱལ་ས་ལོན་ཌོན་དུ་རྟེན་གཞི་བྱས་པའི་ཚོང་ལས་དང་རྒྱལ་སྤྱིའི་འགྲོ་བ་མིའི་ཐོབ་ཐང་ཟེར་བའི་ཉམས་ཞིབ་ཁང་གིས་སྙན་ཐོ་བཏོན་ཡོད་པ་དང་འབྲེལ། རྒྱ་ནག་གི་དབང་འཛིན་འོག་ཏུ་ཡོད་པའི་བོད་ནང་གི་ཁོར་ཡུག་ཀྱི་གནས་སྟངས་སྐོར་འབྲེལ་ཡོད་ལ་བཅར་འདྲི་ཞུས་ཏེ་ཚེ་དབང་ནོར་བུ་ལགས་ཀྱིས་སྙན་སྒྲོན་ཞུས་པར་གསན་རོགས་གནོངས།།
གསར་འགོད་པ། ཚེ་དབང་ནོར་བུ།
རྩོམ་སྒྲིག་པ། དཔལ་ལྡན་རྒྱལ།
དྲ་ཐོག་སྤེལ་མཁན། རྟ་མགྲིན་དབང་ཕྱུག