དྲག་རྡུང་ཚ་ནན་གྱི་ལས་འགུལ་སྤེལ་བཞིན་པ།

༄༅།། ཐེངས་འདིའི༼ གངས་ལྗོངས་གླེང་སྟེགས༽ཀྱི་ནང་དུ།   དེང་གི་ཆར་འདིར། རྒྱ་ནག་གཞུང་གིས་ནག་གཤེད་སྟོབས་ཤུགས་ཐེར་འདོན་དང་གསང་མྱུལ་འཛིན་བཟུང་ལ་སོགས་པར་བསྙད་པའི་དྲག་རྡུང་ཚ་ནན་གྱི་ལས་འགུལ་ཟེར་བ་ཞིག་བོད་ཁུལ་དུ་ཚ་ཚ་འུར་འུར་གྱིས་སྤེལ་བཞིན་པ་དང་། ལས་འགུལ་དེས་བོད་ཀྱི་ཤེས་ལྡན་མི་སྣའི་སྡེ་དང་། གཞུང་དང་ལྟ་སྤྱོད་ཐ་དད་ཅན། མི་རིགས་ལ་དགའ་ཞེན་དང་དུང་ཞེན་ཅན་སོགས་དམིགས་འབེན་དུ་བཟུང་ནས་རྡུང་རྡེག་ནན་མོ་བྱེད་བཞིན་པ་མ་ཟད། མི་རིགས་ནང་ཁུལ་འགལ་བ་བཟོས་ནས་བོད་མིའི་ཆིག་སྒྲིལ་དང་འཆམ་མཐུན་ལ་གཏོར་བརླག་བརྒྱུད་བོད་ཀྱི་སྤྱི་ཚོགས་དབྲལ་བཞིག་ཏུ་གཏོང་བཞིན་པའི་སྐོར་བོད་དོན་མཉམ་ཞིབ་པ་ད་ལྟ་ཡོ་རོབ་སི་པན་ན་བཞུགས་པའི་བོད་མི་སྒྲིག་འཛུགས་ཕྱི་དྲིལ་ལྷན་ཁང་རྒྱ་ཡིག་སྡེ་ཚན་གྱི་རྩོམ་སྒྲིག་པ་ཟུར་བ་སངས་རྒྱས་སྐྱབས་ལགས་དང་མཉམ་དུ་སྟག་ལྷ་རྒྱལ་གྱི་བགྲོ་གླེང་ཞུས་པ་གསན་རོགས་གནང་།