ཀྲུའུ་ཝེ་ཆོན་འོག་བོད་ཀྱི་གནས་སྟངས།

སྤྱི་ལོ༢༠༠༣ལོར་ཀྲུའུ་ཝེ་ཆོན་རྒྱ་ནག་དབུས་འཐབ་ཕྱོགས་གཅིག་གྱུར་ལྷན་ཁང་གི་བློན་ཆེན་གཞོན་པ་དང་རྒྱལ་ཡོངས་སྲིད་གྲོས་ཀྱི་དྲུང་ཡིག་གཞོན་པར་བསྐོས་ཤིང་། བོད་རྒྱ་འབྲེལ་མོལ་སྐབས་རྒྱ་ནག་གི་འབྲེལ་མོལ་སྐུ་ཚབ་ལ་བསྐོས་པ་ནས་བཟུང་། ཀྲུའུ་ཝེ་ཆོན་ཚོས་བོད་དོན་ལ་བཏང་འཛིན་བྱས་ཡོད་ལ་། སྐབས་དེ་དུས་ནས་ཀྲུའུ་ཝེ་ཆོན་གྱིས་༧གོས་ས་རྒྱལ་བ་རིན་པོ་ཆེ་མཆོག་ལ་གཞི་མེད་མཚན་དམོད་དང་། བོད་མི་རིགས་ལ་དམའ་འབེབས། བོད་མི་རིགས་ཞེན་ཅན་ཚོར“རྒྱལ་ཁབ་ཁ་བྲལ་རིང་ལུགས་པར” བསྙད་ནས་འབུར་བཅོམ་བྱས་ཏེ། བོད་དོན་སེལ་རྒྱུར་གཏོར་བརླག་ཚབས་ཆེན་བཟོས་པའི་མ་ཚད། བོད་རྒྱ་མི་རིགས་བར་འགལ་ཟླ་ཆེན་པོ་བཟོས་ཡོད་པ་རེད། ཐེངས་འདིའི་གངས་ལྗོངས་གླེང་སྟེགས་ཀྱི་ནང་དུ་གོང་ཞུས་གནས་སྟངས་དེ་དག་གི་ཐད་འབྲེལ་ཡོད་ཆེད་མཁས་པ་དང་མཉམ་དུ་བགྲོ་གླེང་ཞུ་རྒྱུ་ཡིན།

གདན་ཞུ་སྐུ་མགྲོན།
ད་ལྟ་ཡོ་རོབ་སི་པན་དུ་བཞུགས་པའི་བཙན་བྱོལ་བོད་མའི་སྒྲིག་འཛུགས་ཕྱི་འབྲེལ་ལས་ཁུངས་རྒྱ་ཡིག་སྡེ་ཚན་གྱི་རྩོམ་སྒྲིག་པ་ཟུར་བ་
སངས་རྒྱས་སྐྱབས་ལགས་དང་།
འདི་ག་རླུང་འཕྲིན་ཁང་གི་བསམ་བློ་དཔྱད་གཞི་ཞེས་པའི་ལེ་ཚན་གཙོ་སྐྱོང་མཁན་ཀ་བཙན་བླ་མ་སྐྱབས་ལགས་གཉིས་ཡིན།

གསར་འགོད་པ་སྟག་ལྷ་རྒྱལ།