བདག་དབང་སྲུང་སྐྱོབ་བྱེད་རྒྱུའི་ཐབས་ལམ།

༄༅།།དེང་སྐྱབས་བོད་ཀྱི་ས་ཁུལ་ཁག་མང་པོ་ཞིག་གི་ནང་ལ་རྒྱ་ནག་གཞུང་གིས་གང་བྱུང་གི་གཏེར་ཁ་བསྔོག་འདོན་བྱེད་པ། ཁང་པ་གང་བྱུང་བཙན་འཕྲོག། ས་ཞིང་བཙན་འཕྲོག་བྱེད་པ་སོགས་བོད་མིའི་ཐོག་ཁྲིམས་དང་མི་མཐུན་པའི་བྱ་སྤྱོད་མང་དག་ཅིག་སྤེལ་དང་སྤེལ་བཞིན་པ་རེད།  རྒྱ་ནག་གཞུང་གིས་ཁྲིམས་འགལ་བྱེད་པ་དེ་ཚོའི་ཐོག་ལ་ང་ཚོ་བོད་མི་ཚོས་ཁྲིམས་ཐོག་ནས་སོ་སོའི་བདག་དབང་སྲུང་སྐྱོབ་བྱེད་རྒྱུའི་ཐོག་ལ་ཐབས་ལམ་ཇི་འདྲ་ཡོད་མེད་སོགས་ཀྱི་སྐོར་ལ་དེ་སྔོན་མཚོ་སྔོ་ཞིང་ཆེན་ཁྲིམས་ཀྱི་སློབ་གྲ་ཆེ་མོའི་དགེ་རྒན་དང་བཙན་བྱོལ་བོད་མིའི་ནང་ནས་ཁྲིམས་རྩོད་པ་དང་པོའི་གྲས།  ད་ལྟ་བོད་རྒྱ་མཛའ་འབྲེལ་ཚོགས་པའི་ཚོགས་གཙོ་གཞོན་པ་བླ་མ་སྐྱབས་ལགས་དང་དེ་སྔོན་བོད་རང་བཙན་སློབ་ཕྲུག་ཚོགས་པའི་ཚོགས་གཙོ་དང་ད་ལྟ་བོད་ཀྱི་ཞིབ་འཇུག་ལྟེ་གནས་ཁང་གིས་ཞིབ་འཇུག་པ་བསྟན་འཛིན་རྡོ་རྗེ་ལགས་གཉིས་ཀྱི་གོང་གསལ་གྱི་གནད་དོན་ཁག་ཐད་ལ་བཅའ་འདྲི་ཞུས་ནས་རྣམ་པ་ཚོར་ཞུ་གི་ཡིན༎།

གསར་འགོད་པ་བློ་བཟང་ཆོས་འཕེལ།