ཞི་བདེའི་ཆེད་སྨྱུང་གནས་སྨོན་ལམ་གསོལ་འདེབས།

༄༅༎ཐེངས་འདིའི་གནད་དོན་གླེང་མོལ་གྱི་ལེ་ཚན་གྱི་ནང་དུ་དེ་རིང་ཕྱི་ཟླ་བརྒྱད་པའི་ཚེས་སུམ་ཅུ་རེས་གཟའ་སྤེན་པ་སྟེ་བོད་ས་བྱི་ཟླ་བ་དྲུག་པའི་གནམ་གང་གི་དུས་ཚིགས་ཉིན་བོད་གཞུང་མང་ཛ་དྲག་ལས་འགུལ་ཚོགས་ཆུང་ནས་འབོད་སྐུལ་གནང་དོན་ལྟར་འཛམ་གླིང་ཁྱོན་ཡོངས་སུ་གནས་འཁོད་བོད་མི་དང་བོད་དོན་རྒྱབ་སྐྱོར་བ་དེ་བཟིན་ཞི་བདེ་ལ་དགའ་བའི་མང་ཚོགས་རྣམས་ནས་དུས་ཡུན་ཆུ་ཚོད་བཅུ་གཉིས་རིང་ཟས་བཅད་སྨྱུང་གནས་དང་འབྲེལ་གསོལ་འདེབས་སྨོན་ལམ་གྱི་ལས་རིམ་སྤེལ་བའི་སྐོར་ལས་རིམ་གཙོ་སྐྱོང་སྐལ་ལྡན་བློ་གྲོས་ལགས་ནས་ཨེ་ཤེ་ཡ་རང་དབང་རླུང་འཕྲིན་ཁང་གི་ས་གནས་ཀྱི་གསར་འགོད་པ་ཁག་དང་བོད་མིའི་སྤྱི་མཐུན་ཚོགས་པའི་རྒྱུན་ལས་ཁག་ཅིག་གི་ལྷན་དུ་གླེང་མོལ་གནང་བར་གསན་རོགས་གནང༌༎