ལ་དྭགས་སྟོག་དགོན་པ་དང་། སྟོན་པའི་སྐུ་བརྙན་མཐོ་ཚད་ཕིཊི་ ༧༡ ཅན།

ལ་དྭགས་སྟོག་དགོན་པ་ནི་དུས་རབས་ ༡༤ པའི་ནང་བླ་མ་ལྷ་དབང་བློ་གྲོས་ཀྱིས་ཕྱག་བཏབ་པ་ཞིག་ཡིན་ཞིང་།  དེའི་ཉེ་འཁྲིས་སུ་སྟོན་པ་བཅོམ་ལྡན་འདས་ཀྱི་སྐུ་བརྙན་མཐོ་ཚད་ཕིཊི་ ༧༡ ཅན་ཞིག་ཕྱི་ལོ་ ༢༠༡༢ ནས་བཞེངས་སྐྲུན་གྱིས་ཕྱི་ལོ་ ༢༠༡༦ ཟླ་ ༨ ཚེས་ ༨ ཉིན་༧གོང་ས་༧སྐྱབས་མགོན་ཆེན་པོ་མཆོག་གིས་དབུ་འབྱེད་རབ་གནས་མཛད་པ་དང་།  ༢༠༢༣ ཟླ་ ༧ ཚེས་ ༣༡ ཉིན་སྟོག་དགོན་པར་༧ཆིབས་སྒྱུར་མཛད་ཡོད་པ་རེད།  ཐེངས་འདིའི་གནད་དོན་གླེང་མོལ་གྱི་ལས་རིམ་ནང་།  སེར་བྱེས་དགེ་བསྐོས་ཟུར་པ་དང་རྒྱུད་སྨད་དགེ་བསྐོས་ཟུར་པ་ལ་དྭགས་མངའ་རིས་ནང་ཆོས་རིགས་ལམ་སློབ་གཉེར་ཁང་གི་འགན་འཛིན་དགེ་བཤེས་ཚེ་དབང་རྡོ་རྗེ་ལགས་དང་ལྷན་ཨེ་ཤེ་ཡ་རང་དབང་རླུང་འཕྲིན་ཁང་གི་རྩོམ་སྒྲིག་འགན་འཛིན་བཀྲིས་དབང་ཕྱུག་ལགས་ཀྱིས་གླེང་མོལ་ཞུས་པར་གསན་རོགས་གནང་།

གསར་འགོད་པ། བཀྲིས་དབང་ཕྱུག

རྩོམ་སྒྲིག་པ། ཆོས་སྐྱིད།

དྲྭ་ཐོག་སྤེལ་མཁན། པ་སངས་དོན་ལྡན།