བོད་ཀྱི་ལོ་ངོ་སྟོང་ཕྲག་གོང་གི་རྡོ་རྐོས་ཀྱི་ལག་རྩལ་དེ་བཞིན་རྩ་སྟོང་འགྲོ་རྒྱུའི་ཉེན་ཁ།

རྡོ་བཟོ་དང་རྡོ་རྐོས་ཀྱི་ལག་རྩལ་ནི་བོད་ཀྱི་ལོ་ངོ་སྟོང་ཕྲག་གོང་གི་རིག་གནས་ཀྱི་འབྱུང་ཁུངས་གལ་ཆེན་ཞིག་དང་རྡོ་རྐོས་ལག་རྩལ་ལ་བརྟེན་ཏེ་བོད་ཀྱི་ཆོས་དང་རིག་གནས་སྣ་ཚོགས་ཉར་ཚགས་དང་རྒྱུད་འཛིན་བསྐྱངས་དང་སྐྱོང་བཞིན་ཡོད་པ་རེད།  དེང་སྐབས་བོད་པའི་སྤྱི་ཚོགས་ཁྲོད་རྡོ་རྐོས་ཀྱི་ལག་རྩལ་ཐོག་དོ་དབྱིངས་གནང་མཁན་ཇེ་ཉུང་དུ་ཕྱིན་ཡོད་པ་མ་ཟད་ལག་རྩལ་དེ་བཞིན་རྩ་སྟོང་འགྲོ་རྒྱུའི་ཉེན་ཁའི་མཚམས་སུ་སླེབ་ཡོད་པ་རེད།  བོད་དང་བལ་ཡུལ་ས་མཚམས་དོལ་པོ་ཞེས་པའི་ས་ཁུལ་ནས་ཡིན་པ་བོད་རིགས་ཚེ་རིང་ཕུར་པ་ལགས་ཀྱི་འདས་པའི་ལོ་ཉི་ཤུ་ལྷག་གིས་རིང་བོད་ཀྱི་མཐུན་མོང་མ་ཡིན་པས་རྡོ་རྐོས་ཀྱི་ལག་རྩལ་རྒྱུན་གནས་ཐུབ་ཐབས་སུ་མ་ཎི་ཡིག་དྲུག། རྒྱལ་བའི་ཞབས་བརྟན་དེ་བཞིན་ལྷ་སྐུ་འདྲ་མིན་དང་སྔགས་ཡིག་སོགས་རྐོས་ནས་སོ་སོའི་ཉིན་རེའི་འཚོ་བ་སྐྱེལ་བཞིན་ཡོད་འདུག། ཞིབ་ཕྲའི་གནས་ཚུལ་པ་སངས་ཚེ་རིང་ལགས་ཀྱིས་ཕྱོགས་བསྡུས་ཞུས་པའི་གནས་ཚུལ་ལ་གསན་རོགས།
གསར་འགོད་པ། པ་སངས་ཚེ་རིང་།
རྩོམ་སྒྲིག་པ། ཚེ་བརྟན་རྣམ་རྒྱལ།
དྲྭ་ཐོག་སྤེལ་མཁན། ཡེ་ཤེས་བཀྲ་ཤིས།