བོད་ཀྱི་ཐ་སྙད་གསར་པ་ཁྲི་གཉིས་ཡོད་པའི་མིང་མཛོད་ཀྱི་ཁ་པར་མཉེན་ཆས་གསར་པ་ཞིག་འགྲེམ་སྤེལ།

ཐེངས་འདིའི་ཕ་ཡུལ་ལེ་ཚན་ནང་། འདས་པའི་མི་ལོ་༡༥ལྷག་གི་རིང་བོད་ཡུལ་སྟོད་སྨད་བར་གསུམ་གྱི་མཁས་པ་མང་པོས་བགྲོ་གླེང་རིམ་པ་བརྒྱུད་གཏན་ལ་ཕབ་ཅིང་། དེང་རབས་བོད་ཀྱི་ཐ་སྙད་གསར་པ་ཁྲི་གཉིས་ཡོད་པའི་མིང་མཛོད་ཀྱི་ཁ་པར་མཉེན་ཆས་གསར་པ་ཞིག་རིན་མེད་ཐོག་འགྲེམ་སྤེལ་གནང་ཡོད་པ་དེར་བོད་ཕྱི་ནང་གཉིས་ཀྱི་དོ་སྣང་ཅན་ཚོས་དགའ་བསུ་ཆེན་པོ་བྱེད་བཞིན་པའི་སྐོར། བསོད་ནམས་ལྷ་མོ་ལགས་ཀྱིས་གནས་ཚུལ་ཕྱོགས་བསྒྲིགས་ཞུས་པར་གསན་རོགས།།