ཨི་ཐ་ཀ་གྲོང་ཁྱེར་ནང་༧གོང་ས་མཆོག་གི་དཔེ་མཛོད་ཁང་དང་ཤེས་ཡོན་ལྟེ་གནས་ཁང་བཞེང་རྒྱུའི་ས་ཆོག་དང་རྩིག་གདན་རྨང་གཞི་བཏིངས་གནང་ཡོད་པ།

སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་བྱམས་པ་དང་སྙིང་རྗེ། མིའི་རིན་ཐང་སོགས་རླབས་ཆེན་གྱི་དགོངས་གཞི་ཁག་འཛིན་སྐྱོང་སྤེལ་གསུམ་བྱ་ཡུལ་དང་། དེ་བཞིན་༧གོང་ས་༧སྐྱབས་མགོན་ཆེན་པོ་མཆོག་གི་མཛད་འཕྲིན་དང་། བོད་ཀྱི་ཆོས་དང་རིག་གཞུང་སོགས་ལ་སློབ་གཉེར་བྱ་ཡུལ་༧གོང་ས་༧སྐྱབས་མགོན་ཆེན་པོ་མཆོག་གི་མཚན་གནས་རྗེས་འབྲེལ་གྱི་དཔེ་མཛོད་དང་འགྲེམ་སྟོན་ཁང་ཞིག་ཨ་རིའི་ནིའུ་ཡོཀ་མངའ་སྡེའི་ནང་ཆགས་པའི་སྐུ་བཅར་རྣམ་རྒྱལ་གྲྭ་ཚང་གི་ཡན་ལག་རྣམ་རྒྱལ་སློབ་གཉེར་ཁང་གིས་གསར་བཞེང་ཞུ་རྒྱུ་ཡིན་ཞིང་། ༢༠༢༢ ཕྱི་ཟླ་ ༤ ཚེས་ ༢༩ ཉིན་ས་ཆོག་དང་རྩིག་གདན་རྨང་གཞི་བཏིངས་གནང་སྟེ་དཔེ་མཛོད་དང་འགྲེམ་སྟོན་ཁང་གསར་བཞེངས་ཀྱི་ལས་འཆར་འདི་བཞིན་འཆར་ལོའི་༧སྐུའི་འཁྲུངས་སྐར་ཉིན་ལེགས་གྲུབ་ཡོང་བ་གནང་རྒྱུ་ཡིན་འདུག ཐེངས་འདིའི་གནད་དོན་གླེང་མོལ་གྱི་ལས་རིམ་ནང་། ལས་འཆར་འདིའི་འགན་འཁུར་དོ་དམ་པ་རྒན་བསྟན་འཛིན་ཆོས་བཟང་ལགས་དང་ལྷན་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་བཀྲིས་དབང་ཕྱུག་ལགས་ཀྱིས་གླེང་མོལ་ཞུས་པར་གསན་རོགས་ཞུ།།
གསར་འགོད་པ། བཀྲིས་དབང་ཕྱུག
རྩོམ་སྒྲིག་པ། ཪིག་ལྡན་སྒྲོལ་མ།
དྲ་ཐོག་སྤེལ་མཁན། རྟ་མགྲིན་དབང་ཕྱུག