བོད་པའི་བེུད་མཁའ་ལམ་འགྲིམས་འགྲུལ་གྱི་ཞབས་ཞུ་བ།

བོད་པའི་བེུད་ཁྲོད་མཁའ་ལམ་འགྲིམ་འགྲུལ་གྱི་ནང་ངོ་བོ་འདྲ་མིན་གྱི་ཐོག་ནས་ཕྱག་ལས་གནང་མཁན་ཡོད་ཅིང་།   རྒྱ་གར་རྒྱལ་ས་ལྡི་ལིར་རྟེན་གཞི་བྱས་པའི་བསྟན་འཛིན་བཟང་མོ་ལགས་ནི་རེ་ཞིག་ནང་མིའི་དཀའ་སེལ་གྱི་ལས་དོན་ཁག་བསྒྲུབས་པའི་རྗེས་རང་ཉིད་ཀྱི་འཚོ་བའི་མདུན་ལམ་ཐད་ཕུགས་འདུན་བཅངས་པ་བཞིན། མཁའ་ལམ་འགྲིམ་འགྲུལ་གྱི་སྣེ་ལེན་ཞབས་ཞུའི་ལས་དོན་ལ་ཞུགས་ནས་ལོ་ལྔ་རིང་རྒྱ་གར་རྒྱལ་ནང་དུ་ཕུར་བསྐྱོད་གནང་ཡོད་ཅིང་།  ཞབས་ཞུའི་བརྒྱུད་རིམ་འདིའི་ཁྲོད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་༧ཆིབས་སྒྱུར་མཛད་འཕྲིན་སྐབས་གནམ་ཐང་དང་གནམ་གྲུ་བཅས་ཀྱི་ནང་མཇལ་ཞུའི་གོ་སྐབས་ཐེངས་ ༤ ཐོབ་པ་ནི་བསྐལ་བཟང་དུ་ངོས་འཛིན་ཞུ་གི་འདུག ཐེངས་འདིའི་གནད་དོན་གླེང་མོལ་གྱི་ལས་རིམ་ནང་། ཁོང་གི་མཁའ་ལམ་འགྲིམ་འགྲུལ་གྱི་ལས་དོན་ཁྲོད་བོད་མིའི་དམིགས་བསལ་ཁྱད་ཆོས་དང་ནུས་པ་འདོན་ཐུབ་པ་ཇི་ཡོད་སོགས་དང་འབྲེལ་ནས་ཨེ་ཤེ་ཡ་རང་དབང་རླུང་འཕྲིན་ཁང་གི་རྩོམ་སྒྲིག་འགན་འཛིན་བཀྲ་ཤིས་དབང་ཕྱུག་ལགས་ཀྱིས་གླེང་མོལ་ཞུས་པར་གསན་རོགས་གནང་།

གསར་འགོད་པ། བཀྲ་ཤིས་དབང་ཕྱུག
རྩོམ་སྒྲིག་པ། བཀྲ་ཤིས་དབང་ཕྱུག
དྲྭ་ཐོག་སྤེལ་མཁན། ཡེ་ཤེས་བཀྲ་ཤིས།