སྦེལ་ཇམ་ནང་༧གོང་ས་མཆོག་ལ་བཀའ་དྲིན་རྗེ་དྲན་ཞུ་ཆེད་ཕྱག་དེབ་བགོས་འགྲེམས་ཀྱི་ལས་འགུལ།

སྦེལ་འཇམ་ནང་གནས་བཞུགས་གཟའ་མཇུག་ཤེས་རབ་སྣང་འབྱེད་སློབ་གྲྭའི་འགན་འཛིན་བློ་བཟང་དབང་པོ་ལགས་ཀྱིས་འདི་ལོའི་ཕྱི་ཟླ་ ༦ པ་ནས་བཟུང་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལ་བཀའ་དྲིན་རྗེས་དྲན་ཞུ་སླད། ༧གོང་ས་༧སྐྱབས་མགོན་ཆེན་པོ་མཆོག་གིས་ལྗགས་རྩོམ་མཛད་པའི་ཕྱག་དེབ་ཁག་སྦེལ་འཇམ་གྲོས་ཚོགས་འཐུས་མི་དང་། སློབ་གྲྭ དཔེ་མཛོད། ཡང་སྒོས་ཕྱི་རྒྱལ་སློབ་ཕྲུག་གཞོན་སྐྱེས་རྣམས་ལ་བགོས་འགྲེམས་ཀྱི་ལས་འགུལ་ཞིག་གནང་འདུག གནད་དོན་གླེང་མོལ་གྱི་ལས་རིམ་ནང་།  བློ་བཟང་དབང་པོ་ལགས་དང་ལྷན་འདི་གའི་ལས་བྱེད་བཀྲ་ཤིས་དབང་ཕྱུག་ལགས་ཀྱིས་གླེང་མོལ་ཞུས་པར་གསན་རོགས་གནང་།
གསར་འགོད་པ། བཀྲ་ཤིས་དབང་ཕྱུག
རྩོམ་སྒྲིག་པ། དཔལ་ལྡན་རྒྱལ།
དྲ་ཐོག་སྤེལ་མཁན། ཡེ་ཤེས་བཀྲ་ཤིས།