༧སྐྱབས་རྗེ་གླིང་མཆོག་སྤྲུལ་རིན་པོ་ཆེ་མཆོག་གི་ཨ་རིའི་རྒྱལ་སའི་ཁུལ་གྱི་མཛད་འཕྲིན།

འདི་ག་རྒྱལ་ས་ཝ་ཤིང་ཀྲོན་མངའ་ཁུལ་དུ་རྟེན་གཞི་བྱེད་པའི་ཆོས་ཚོགས་དང་ཚོགས་པ་ཁག་ཅིག་ནས་ཇི་ལྟར་གསོལ་འདེབས་ཞུས་དོན་ལྟར་། གླིང་མཆོག་སྤྲུལ་རིན་པོ་ཆེ་མཆོག་ཕྱི་ཟླ་བཞི་པའི་ཚེས་སུམ་ཅུ་ཉིན་༧ཞབས་སོར་འཁོད་དེ་ཆོས་འབྲེལ་ཙམ་མ་ཡིན་པར་རླུང་འཕྲིན་ལས་ཁུངས་གཉིས་ཀྱི་བཅར་འདྲི་དང་ལན་དང་། ལྷག་པར་དུ་རྒྱལ་སྤྱིའི་བོད་དོན་ལས་འགུལ་ཁང་གི་གོ་སྒྲིགས་འོག་ཕྱི་སྲིད་ལས་ཁུངས་ཀྱི་འབྲེལ་ཡོད་མི་སྣ་ཁག་ཅིག་ལྷན་མཇལ་འཕྲད་གནང་རྒྱུ་སོགས་ཀྱི་མཛད་འཕྲིན་བསྐྱངས་གནང་ཡོད་རེད་ལ་མུ་མཐུད་ནས་ཉིན་གཉིས་ཙམ་རིང་མཛད་འཆར་ཡོད་པ་རེད། ཡོངས་འཛིན་གླིང་མཆོག་སྤྲུལ་རིན་པོ་ཆེའི་མཛད་འཕྲིན་དང་འབྲེལ་བའི་སྐོར་གོ་སྒྲིག་ཞུ་མཁན་ཁོངས་སུ་ཡོད་པའི་བོད་ཀྱི་རིག་གནས་རྒྱུན་འཛིན་མཐུན་ཚོགས་ཀྱི་འགན་འཛིན་གོ་རབས་པད་མ་བདེ་ཆེན་ལགས་སུ་གནས་འདྲི་ཞུས་པར་གསན་རོགས།
གསར་འགོད་པ། རིག་འཛིན་ཆོས་སྒྲོན། བསྟན་འཛིན་བདེ་སྐྱིད།
རྩོམ་སྒྲིག་པ། བཀྲ་ཤིས་དབང་ཕྱུག
དྲྭ་ཐོག་སྤེལ་མཁན། ཡེ་ཤེས་བཀྲ་ཤིས།