ཨ་རིའི་བོད་དོན་རྒྱབ་སྐྱོར་ཁྲིམས་ཡིག་གི་ཤུགས་རྐྱེན་དང་རྒྱལ་སྤྱིའི་ཐོག་བོད་ཀྱི་གནས་བབ་དང་བོད་དོན་སྲིད་བྱུས་ཀྱི་ཁ་ཕྱོགས་ཞེས་༢༠༢༤ ལོའི་ཐུན་མོང་གི་གཞི་རྟེན་འཚོལ་བའི་རྒྱལ་སྤྱིའི་བོད་དོན་བགྲོ་གླེང་ཚོགས་འདུ

ཟླ་བ་༡༡པའི་ཚེས་༢༣་དང་༢༤བར་ཐེ་ལྦན་གྲོང་ཁྱེར་ཐའེ་པེ་ནང་། ཨ་རིའི་བོད་དོན་རྒྱབ་སྐྱོར་ཁྲིམས་ཡིག་གི་ཤུགས་རྐྱེན་དང་རྒྱལ་སྤྱིའི་ཐོག་བོད་ཀྱི་གནས་བབ་དང་བོད་དོན་སྲིད་བྱུས་ཀྱི་ཁ་ཕྱོགས་ཀྱི་བརྗོད་གཞིའི་ཐོག གངས་ལྗོངས་གླེང་སྟེགས་༢༠༢༤ ལོའི་ཐུན་མོང་གི་གཞི་རྟེན་འཚོལ་བའི་རྒྱལ་སྤྱིའི་བོད་དོན་བགྲོ་གླེང་ཚོགས་འདུ་ཐེངས་གཉིས་པ་ཚོགས་ཏེ་ཨ་རིའི་བོད་དོན་སྲིད་བྱུས་དང་རྒྱབ་སྐྱོར་གྱི་ཁྲིམས་འཆར་གཏན་འབེབས་གནང་བ་དེའི་ཤུགས་རྐྱེན་དང་བོད་ཀྱི་གནས་སྟངས་རྒྱལ་སྤྱིའི་སྟེང་འགྱུར་བ་ཇི་ལྟར་ཐེབས་མིན་སྐོར་དང་། དབུ་མའི་ལམ་གྱི་སྲིད་བྱུས་ནི་བོད་དང་རྒྱ་ནག་གཉིས་ཀར་ཕན་པའི་བཀའ་རྙོག་སེལ་ཐབས་ཀྱི་ལམ་བུ་ཞིག་ཡིན་པ་སོགས་ཀྱི་གསུང་བཤད་དང་། བགྲོ་གླེང་། བསམ་ཚུལ་རྗེས་རེས་གནང་ཡོད་པ་རེད་འདུག ཚོགས་འདུ་འདི་དང་འབྲེལ་ཚོགས་འདུར་གསུང་བཤད་གནང་མཁན་ཁོངས་རྒྱལ་སྤྱིའི་དབུ་མའི་ལམ་མི་མང་ལས་འགུལ་ཁང་གི་དྲུང་ཆེ་བསྟན་འཛིན་བཤེས་གཉེན་ལགས་སུ་བཀའ་འདྲི་ཞུས་ནས་གནས་ཚུལ་ཕྱོགས་བསྒྲིགས་ཞུས་པ་ཞིག་གསར་འགོད་པ་སྒྲོལ་མ་ལྷ་མོས་སྙན་སྒྲོལ་ཞུས་གནང་གི་རེད། 

གསར་འགོད་པ། སྒྲོལ་མ་ལྷ་མོ།

རྩོམ་སྒྲིག་པ། དོན་གྲུབ་རྣམ་རྒྱལ།

དྲྭ་ཐོག་སྤེལ་མཁན། ནོར་སྒྲོན།