བོད་མི་གློག་བརྙན་བཟོ་སྐྲུན་པ་རྩེ་ཕུད་མང་པོས་བཟོས་པའི་གློག་བརྙན་ཉི་ཤུ་ཙམ་གཟིགས་འབུལ།

ཨའོས་ཊརེ་ལི་ཡ་ Brisbane ནང་ཕྱི་ཟླ་ ༡༠ ཚེས་ ༧ ནས་ ༢༩ བར་དུས་ཡུན་ཟླ་བ་གཅིག་ཙམ་རིང་བོད་ཀྱི་གློག་བརྙན་དུས་སྟོན་ཞིག་གནང་ཡོད་ཅིང་།  ཡང་ཕྱི་ཟླ་ ༡༡ ཚེས་ ༥ ཉིན་ཨ་མ་ལགས་ཞེས་པ་གཟིགས་འབུལ་གྱི་ལམ་ནས་སླར་ཡང་དུས་ཡུན་ཟླ་བ་གཅིག་ཙམ་རིང་བོད་ཀྱི་གློག་བརྙན་དུས་སྟོན་དེ་མུ་མཐུད་ཚོགས་གནང་གི་ཡོད་པ་རེད། དེའི་རིང་གཞིས་བྱེས་གཉིས་ནས་བོད་མི་གློག་བརྙན་བཟོ་སྐྲུན་པ་རྩེ་ཕུད་མང་པོས་བཟོས་པའི་གློག་བརྙན་ཉི་ཤུ་ཙམ་ཁུལ་དེའི་ GOMA ཞེས་ Queensland གཞུང་གི་འཛིན་སྐྱོང་འོག་ཡོད་པའི་དེང་དུས་སྒྱུ་རྩལ་ཁང་དུ་གཟིགས་འབུལ་བྱེད་ཀྱི་ཡོད་པ་དང་།   ཨ་མ་ལགས་ཞེས་པའི་གློག་བརྙན་གཟིགས་འབུལ་མ་ཞུས་གོང་དབྱངས་ཀྱི་སྐད་འཁོར་ཤིག་ལ་ Grammy བྱ་དགའ་ཐོབ་མྱོང་མཁན་རྒྱལ་སྤྱིའི་ནང་གྲགས་ཆེར་གྱུར་བ་བོད་པའི་སྒྱུ་རྩལ་བ་བསྟན་འཛིན་ཆོས་རྒྱལ་ལགས་ཀྱིས་རོལ་དབྱངས་གཟིགས་འབུལ་གནང་རྒྱུ་ཡིན་པ་ཁོང་གིས་ཨེ་ཤེ་ཡ་རང་དབང་རླུང་འཕྲིན་ཁང་ལ་འགྲེལ་བརྗོད་གནང་བྱུང་། བཀྲིས་དབང་ཕྱུག་ལགས་ཀྱིས་ཁོང་ལ་བཀའ་དྲི་ཞུས་པ་ཞིག་གསན་རོགས་གནང་།

གསར་འགོད་པ། བཀྲིས་དབང་ཕྱུག

རྩོམ་སྒྲིག་པ། བཀྲིས་དབང་ཕྱུག

དྲ་ཐོག་སྤེལ་མཁན། པ་སངས་དོན་ལྡན།