བློ་བཟང་སེང་གེ་ལགས་བཀའ་བློན་ཁྲི་པར་བདམས།

༄༅༎བཙན་བྱོལ་བོད་གཞུང་གི་སྐབས་གསུམ་པའི་བཀའ་བློན་ཁྲི་པའི་འོས་དམིགས་བཀའ་ཟུར་བཀྲས་མཐོང་བསྟན་འཛིན་རྣམ་རྒྱལ་ལགས་དང་། བཀྲིས་དབང་འདུས་ལགས། བློ་བཟང་སེང་གེ་ལགས་བཅས་གསུམ་ཡོད་པའི་ཁོངས་ནས་དེ་རིང་དབུས་འོས་བསྡུ་ལས་ཁང་ནས་འོས་བསྡུའི་གྲུབ་འབྲས་གསལ་བསྒྲགས་གནང་དོན་ལྟར་ན། ཨ་མི་རི་ཀའི་སྦོ་སོ་ཀྲོན་ས་གནས་སུ་བཅའ་བཞུགས་ཧ་ཝདྲ་གཙུག་ལག་སློབ་གཉེར་ཁང་གི་ཉམས་ཞིབ་པ་བློ་བཟང་སེང་གེ་ལགས་སུ་བརྒྱ་ཆ་ལྔ་བཅུ་ང་ལྔ་ཐོབ་ནས་བཙན་བྱོལ་བོད་གཞུང་གི་མི་མང་འོས་བསྡུའི་ལམ་ལུགས་ཀྱི་ཐོག་ནས་འོས་འདེམས་བྱེད་པའི་སྐབས་གསུམ་པའི་བཀའ་བློན་ཁྲི་པར་འོས་འདེམས་བྱུང་ཡོད་འདུག