དྲུག་བཞིའི་ལས་འགུལ་སྤེལ་ནས་ལོ༢༤།

༄༅༎དེ་རིང་ཚེས ༤ ཉིན་ནི། དེ་སྔ་༡༩༨༩ ལོའི་ཕྱི་ཟླ་དྲུག་པའི་ཚེས་༤ ཉིན།  པེ་ཅིན་གནམ་བདེའི་སྒོ་མོ་ཆེའི་ཐང་ཆེན་དུ།  སློབ་མ་གཙོས་པའི་མི་མང་ཁྲི་ཕྲག་མང་པོས་དམངས་གཙོའི་ལས་འགུལ་སྤེལ་སྐབས།  རྒྱ་ནག་གཞུང་གིས་དྲག་གནོན་བྱས་པའི་དྲན་གསོ་ཉིན་མོ་ཡིན་པར་བརྟེན།  ཧོང་ཀོང་གི་མི་དམངས་སྟོང་ཕྲག་མང་པོས་ལག་ཏུ་མར་མེ་འཁྱེར་ཏེ་། དྲུག་བཞིའི་ལས་འགུལ་དག་སེལ་བྱེད་དགོས་པའི་དགོས་འདུན་བཏོན་ནས།  དྲན་གསོའི་ཉིན་མོ་སྲུང་བརྩི་ཞུས་འདུག  རྒྱ་ནག་ནང་དུ་དམངས་གཙོ་དོན་གཉེར་ཚོར་དམ་དྲག་ནན་མོ་བྱས་ཡོད་པ་མ་ཟད། གནས་འཕྲིན་དྲ་རྒྱ་སོགས་བརྒྱུད་ལམ་ཁག་ཏུ་དྲུག་བཞིའི་དམངས་གཙོའི་ལས་འགུལ་སྐོར་བཀག་འགོག་བྱས་ཡོད་པ་རེད༎