བོད་མི་གསུམ་ལ་བཙོན་ཁྲིམས།

སྒྲ་ལྡན་གསར་འགྱུར།

༄༅༎འདི་ལོའི་ཕྱི་ཟླ་གསུམ་པའི་ཚེས་བཅུའི་ཉིན་ནས་བཟུང་བོད་ཕྱི་ནང་གཉིས་སུ་བོད་མིས་རྒྱ་ནག་གཞུང་ལ་ངོ་རྒོལ་གྱི་ལས་འགུལ་བསྟུད་མར་སྤེལ་བ་བཞིན་བལ་ཡུལ་གཞུང་གི་བཀག་འགོག་ལ་མ་ལྟོས་པར་བོད་མིས་ཚོས་ངོ་རྒོལ་ཤུགས་སྤེལ་བཞིན་ཡོད་སྟབས་ཕྱི་ཟླ་དྲུག་ཚེས་བཅུ་དགུའི་ཉིན་བོད་ཡུལ་སྣེ་ལེན་ཁང་གི་འགན་འཛིན་སྐལ་བཟང་གཅུང་ལགས་དང་ཀཋ་མན་ཌུ་ས་གནས་བོད་ཀྱི་བུད་མེད་ལྷན་ཚོགས་གཙོ་ངག་དབང་བཟང་མོ་ལགས་དང་ཚོགས་གཞོན་བཀྲ་ཤིས་སྒྲོལ་མ་ལགས་གསུམ་བལ་ཡུལ་གཞུང་གི་ཉེན་རྟོག་མི་སྣས་འཛིན་བཟུང་བྱས་པ་དང་བལ་ཡུལ་གཞུང་ནས་ཟླ་བ་གསུམ་རིང་གི་བཙོན་དུས་ཁྲིམས་ཐག་བཅད་ཡོད་པ་སོགས་ཀྱི་སྐོར་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་ཐུབ་བསྟན་སངས་རྒྱས་ལགས་ནས་འབྲེལ་ཡོད་མི་སྣར་བཅར་འདྲི་ཞུས་ཏེ་ཕྱོགས་སྒྲིག་ཞུས་པ་ཞིག་གསན་རོགས་གནང༌༎