བོད་རྩ་དོན་ཐོག་གི་ཚོགས་ཆེན།

༄༅༎སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་དགོངས་བཞིན་དཔལ་ལྡན་སྐུ་སྒེར་ཡིག་ཚང་གིས་ཕྱི་ཟླ་དགུ་པའི་ཚེས་བཅུ་གཅིག་ཉིན་རྡ་རམ་ས་ལར་བསྐོང་ཚོགས་གནང་བཞིན་པའི་སྐབས་བཅུ་བཞི་པའི་བོད་མི་མང་སྤྱི་འཐུས་ལྷན་ཚོགས་གྲོས་ཚོགས་ཚོགས་དུས་དྲུག་པའི་ཐོག་བཀའ་ཡིག་ཅིག་ཕེབས་གནང་ཡོད་པའི་ནང་དུ་བར་ལམ་བོད་ནང་ཛ་དྲག་གི་འབྱུར་རྐྱེན་དང་རྒྱལ་སྤྱིའི་གནས་བབ་བཅས་བོད་ཀྱི་རྩ་དོན་སོགས་ཀྱི་ཐོག་གོ་བསྡུར་བགྲོ་གླེང་ཞིབ་ལྷོད་ཅིག་གནང་ཆེད་དམིགས་བསལ་ལྷན་ཚོགས་ཤིག་གནང་དགོས་པའི་བཀའ་ཕེབས་པ་ལྟར་བཙན་བྱོལ་བོད་གཞུང་གི་བཀའ་བློན་ཁྲི་པ་ཟམ་གདོང་རིན་པོ་ཆེ་མཆོག་ནས་དངོས་སོ་ལས་རིམ་གྲོས་འཆར་དེ་གྲོས་ཚོགས་ནང་འདོན་གནང་མཛད་པའི་སྐོར་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་དོན་གྲུབ་རྡོ་རྗེ་ལགས་ནས་གནས་ཚུལ་བཏང་འབྱོར་བྱུང་བར་གསན་རོགས་གནང༌༎