བལ་ཡུལ་དུ་ངོ་རྒོལ་མཚམས་འཇོག

གསར་འགྱུར་ལ་གསན།

༄༅༎འདི་ལོའི་ཕྱི་ཟླ་གསུམ་པ་ནས་བཟུང་བོད་ས་ཡོངས་སུ་རྫོགས་པའི་ནང་བོད་མིས་རྒྱ་ནག་གཞུང་ལ་ཞི་བའི་ངོ་རྒོལ་གྱི་ལས་འགུལ་བསྟུད་མར་སྤེལ་བ་དང་རྒྱ་ནག་གཞུང་གིས་བོད་ནང་དྲག་གནོན་ཤུགས་ཆེ་བྱས་པར་བརྟེན་བཙན་བྱོལ་ནང་དུ་བོད་གཞུང་མ་ཛ་དྲག་ལས་འགུལ་ཚོགས་ཆུང་ནས་ངོ་རྒོལ་གྱི་ལས་འགུལ་རྒྱ་ཆེ་སྤེལ་ཡོད་ཅིང་ཉེ་ཆར་བལ་ཡུལ་བོད་མིའི་ཛ་དྲག་ལས་འགུལ་ཚོགས་ཆུང་ནས་བལ་ཡུལ་ནང་རྒྱ་ནག་ལ་ངོ་རྒོལ་གནས་སྐབས་རིང་མཚམས་འཇོག་གནང་རྒྱུ་ཐག་གཅོད་གནང་ཡོད་པའི་སྐོར་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་ཐུབ་བསྟན་སངས་རྒྱས་ལགས་ནས་གནས་ཚུལ་ཕྱོགས་སྒྲིག་ཞུས་པར་གསན་རོགས་གནང༌༎