རང་ཡུལ་བོད་ཀྱི་ས།

༄༅།།ཕྱི་ཟླ་༡ཚེས་༢༦རེས་གཟའ་ལྷག་པའི་ཉིན་བཀའ་ཁྲི་བློ་བཟང་སེང་གེ་མཆོག་གིས་རྡ་སྟེང་བོད་ཁྱིམ་སློབ་གྲྭའི་རྩེད་ཐང་ཐོག་བོད་ནས་འཁྱེར་ཡོང་བའི་ས་སྤྱི་རྒྱ་ ༢༠༠༠༠ ཙམ་ཡོད་པའི་འགྲེམས་སྟོན་ཞིག་དབུ་འབྱེད་གནང་ཡོད། དེ་ཡང་བོད་མི་སྒྱུ་རྩལ་བ་བསྟན་འཛིན་རིག་གྲོལ་ལགས་ཀྱིས་ཟླ་བ་ ༡༧ ཙམ་རིང་དཀའ་ངལ་ཁྱད་གསད་ཐོག་རང་གིས་མཐོང་མ་མྱོང་བ་དང་རང་སར་གོམ་པ་སྤོ་མྱོང་མེད་པའི་རྣམས་ཀྱི་ཆེད་དུ་བོད་ནས་ས་ཁྱེར་ཏེ་སྒྱུ་རྩལ་གྱི་ལམ་ནས་བོད་དོན་གྱི་ལས་འགུལ་ཞིག་སྤེལ་ཡོད་པ་སྐོར་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་དོན་གྲུབ་རྡོ་རྗེ་ལགས་ཀྱིས་གནས་ཚུལ་ཕྱོགས་སྒྲིག་ཞུས་པར་གསན་རོགས༎