དཔལ་ལྡན་ཆོས་སྒྲོན་ལགས།

གསར་འགྱུར་ལ་གསན་རོགས།

༄༅༎བོད་ནང་རྒྱ་མིའི་བཙོན་ཁང་ནང་གི་བོད་རང་བཙན་གྱི་གཞས་མ་ཞེས་རྒྱལ་སྤྱིའི་ཐོག་ཡོངས་སུ་གྲགས་པའི་བོད་རིགས་ན་གཞོན་བཙུན་མ་བཅུ་བཞི་ཡོད་པའི་ནང་ནས། རང་ལོ་༣༧ཕེབས་པའི་དཔལ་ལྡན་ཆོས་སྒྲོན་ལགས་འདི་ལོའི་ཕྱི་ཟླ་བརྒྱད་པའི་ནང་གསང་བའི་ཐོག་བོད་ནས་བྲོས་བྱོལ་དུ་ཕེབས་ནས། ཕྱི་ཟླ་དགུ་པའི་ཚེས་བཅུ་གཅིག་གི་ཉིན་བཙན་བྱོལ་བོད་མིའི་ལྟེ་གནས་བཞུགས་སྒར་རྡ་རམ་སར་འབྱོར་གནང་ཡོད་པ་དང༌། ཕྱི་ཚེས་ཉི་ཤུ་རྩ་བཞིའི་ཉིན་བོད་ཀྱི་འགྲོ་བ་མིའི་ཐོབ་ཐང་དང་དམངས་གཙོ་འཕེལ་རྒྱས་ལྟེ་གནས་ཁང་གི་གོ་སྒྲིག་འོག་གསར་འགོད་ལྷན་ཚོགས་ཤིག་སྐོང་ཚོགས་གནང་ཡོད་པའི་སྐོར། འདི་གའི་གསར་འགོད་པ་དོན་གྲུབ་རྡོ་རྗེ་ལགས་ཀྱིས་བཏང་འབྱོར་བྱུང་བའི་གནས་ཚུལ་ཞིག་ལ་གསན་རོགས༎