ཀྲུང་དབྱང་བོད་ཀྱི་ལས་དོན་ཚོགས་འདུའི་ཕུགས་ཀྱི་དམིགས་ཡུལ།

རྒྱ་ནག་གཞུང་གིས་༡༩༩༤ལོར་ཀྲུང་དབྱང་བོད་ཀྱི་ལས་དོན་ཚོགས་འདུ་གསུམ་པ་ཟེར་བ་ཚོགས་པའི་ཐོག་བོད་སྐོར་རྣམ་གྲངས་༦༢གཏན་འབེབས་བྱས་པ་ནས་ད་བར་ལོ་ངོ་༢༠ནང་བོད་ཀྱི་སྤྱི་ཚོགས་དང་འཚོ་བ་ཡར་རྒྱས་ཆེན་པོ་བཏང་རབ་སྐོར་བཤད་ཡོད་ཀྱང་བོད་ཀྱི་གནད་དོན་དབྱེ་ཞིབ་པས། དོན་དངོས་ཐོག་དུས་སྐབས་དེར་སྤྱིར་བོད་ནང་རྒྱ་ནག་གཞུང་ལ་མི་དགའ་བའི་རྣམ་པ་ཇེ་ཆེར་འགྲོ་བའི་ཁར་དམིགས་བསལ་༡༩༨༧ནས་མི་རབས་གསར་པའི་ཞི་རྒོལ་ཆེན་མོ་བྱུང་བར་བརྟེན་ནས་ཀྲུང་དབྱངས་བོད་ཀྱི་ལས་དོན་ཚོགས་འདུ་ཟེར་བ་འགོ་བཙུགས་ཏེ་ཕུགས་ལ་བོད་ཕྱི་ནང་གི་སྣོད་བཅུད་ལ་གནོད་འཚེ་བཟོ་བའི་སྲིད་ཇུས་ཤིག་ཡིན་པ་ངོས་འཛིན་གནང་གི་ཡོད་པའི་སྐོར་གཡུ་སྒྲོན་ལགས་ཀྱིས་གནས་ཚུལ་ཕྱོགས་བསྒྲིགས་ཞུས་པ་ཞིག་གསན་རོགས་གནང་།