ཧི་མ་ལ་ཡའི་རི་བརྒྱུད་དུ་བྷོ་ཊིའམ་བོད་ཡིག་འདི་གལ་གནད་ཆེན་པོར་ངོས་འཛིན་ཞུ་བཞིན་ཡོད་པ།

ཧི་མ་ལ་ཡའི་རི་བརྒྱུད་དུ་བྷོ་ཊིའམ་བོད་ཡིག་འདི་གལ་གནད་ཆེན་པོར་ངོས་འཛིན་ཞུ་བཞིན་ཡོད་ཅིང་།  རྒྱ་གར་གཞུང་གི་རྩ་ཁྲིམས་ནང་དུ་ངོས་བཞེས་ཐོག་ནས་གསར་འཇུག་གནང་རྒྱུ་ནི་ད་ལྟ་ཧི་མ་ལ་ཡ་སྤྱི་ལ་གནད་འགག་ཅིག་ཏུ་གྱུར་ཡོད་པ་ཧི་མ་ལ་ཡའི་ཁྱད་མཁས་མི་སྣ་མང་པོས་ངོས་འཛིན་གནང་གི་ཡོད་པ་རེད།  ཐེངས་འདིའི་ གནད་དོན་གླེང་མོལ་གྱི་ལས་རིམ་ནང་།  ལ་དྭགས་མི་རིགས་ཡིན་པ་རྒྱ་གར་གཞུང་གི་ལས་སྣེ་ཁག་ཅིག་ཏུ་དངོས་སུ་ཞུགས་མྱོང་པ་དགེ་བཤེས་བླ་མ་ཆོས་འཕེལ་བཟོད་པ་ལགས་དང་།  འབྲས་སྤུངས་སྒོ་མང་གྲྭ་ཚང་གི་མཁན་ཟུར་བློ་བཟང་རྒྱལ་མཚན་མཆོག་གདན་ཞུས་ཀྱིས་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་བཀྲ་ཤིས་དབང་ཕྱུག་ལགས་ཀྱིས་གླེང་མོལ་ཞུ་གནང་གི་རེད།
གསར་འགོད་པ། བཀྲ་ཤིས་དབང་ཕྱུག
རྩོམ་སྒྲིག་པ། རིག་ལྡན་སྒྲོལ་མ།
དྲ་ཐོག་སྤེལ་མཁན། ཡེ་ཤེས་བཀྲ་ཤིས།