སྒོམ་སྒྲུབ་དང་སེམས་ཁམས་རིག་པའི་ཐོག་རྒྱལ་ཡོངས་འཕགས་བོད་མཁས་པའི་བགྲོ་གླེང་ཐེངས་གཉིས་པ།

ཕྱི་ཟླ་ ༦ ཚེས་ ༡༧ ནས་ཉིན་གྲངས་ ༥ རིང་འཚོགས་རྒྱུའི་སྒོམ་སྒྲུབ་དང་སེམས་ཁམས་རིག་པའི་ཐོག་རྒྱལ་ཡོངས་འཕགས་བོད་མཁས་པའི་བགྲོ་གླེང་ཐེངས་གཉིས་པ་འདི་བཞིན། རྒྱ་གར་ལྷོ་ཕྱོགས་གདན་ས་དགའ་ལྡན་དུ་འཚོགས་བཞིན་ཡོད་ཅིང་། ད་རེས་ཀྱི་ཚོགས་འདུ་འདི་ཐེངས་དང་པོ་དང་བསྡུར་ན་རྒྱ་གར་གྱི་མཁས་པ་ཚོར་གསུང་བཤད་དང་བགྲོ་གླེང་གི་ཆ་ནས་གོ་སྐབས་མང་བ་ཕུལ་ཡོད་པ་གོ་སྒྲིག་གནང་མཁན་དགའ་ལྡན་ཤར་བྱང་གི་མཁན་རིན་པོ་ཆེ་རྣམ་པ་གཉིས་ཀྱིས་གསུངས་བྱུང་། ཐེངས་འདིའི་གནད་དོན་གླེང་མོལ་གྱི་ལས་རིམ་ནང་། བྱེས་ཀྱི་གདན་ས་ཆེན་པོ་དགའ་ལྡན་ཤར་རྩེ་གྲྭ་ཚང་གི་མཁན་རིན་པོ་ཆེ་བྱང་ཆུབ་སངས་རྒྱས་མཆོག་དང་དགའ་ལྡན་བྱང་རྩེའི་མཁན་རིན་པོ་ཆེ་བློ་བཟང་བསྟན་པ་མཆོག་བཅས་དང་ལྷན་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་བཀྲིས་དབང་ཕྱུག་ལགས་ཀྱིས་གླེང་མོལ་ཞུས་པར་གསན་རོགས་ཞུ།།
གསར་འགོད་པ། བཀྲིས་དབང་ཕྱུག
རྩོམ་སྒྲིག་པ། རྡོ་རྗེ་དགྲ་འདུལ།
དྲ་ཐོག་སྤེལ་མཁན། རྟ་མགྲིན་དབང་ཕྱུག